ஆப்கானிஸ்தான் கிரிக்கெட் அணியின் புகழ்பெற்ற சுழற்பந்து வீச்சு ஆல்ரவுண்டரான ரஷித் கான் ஐக்கிய அரபு எமிரேட்ஸில் நடைபெற்று வரும் டி10 தொடரில் விளையாடி வருகிறார்.
நேற்று நடைபெற்ற ஆட்ம் ஒன்றில் ரஷித் கான் இடம்பிடித்துள்ள மராத்தா அரேபியன்ஸ் பாக்தூன்ஸ் அணியை எதிர்த்து விளையாடியது. மராத்தா அரேபியன்ஸ் முதலில் பேட்டிங் செய்தது. 9-வது ஓவரின் கடைசி பந்தை ரஷித் கான் ஹெலிகாப்டர் ஷாட் மூலம் அபாரமான வகையில் சிக்சருக்கு தூக்கினார்.
இந்த ஷாட் இந்திய வீரர் எம்எஸ் டோனி அடிக்கும் ஹெலிகாப்டர் ஷாட்டை அப்படியே பிரதி எடுத்ததுபோல் அமைந்தது.
ரஷித் கான் அடித்த இந்த ஷாட்டை இந்திய அணியின் ஓய்வு பெற்ற முன்னாள் அதிரடி பேட்ஸ்மேன் சேவாக் உள்ளிட்ட வீரர்கள் ஆச்சர்யத்துடன் பார்த்து ரசித்தனர். மைதானத்தில் இருந்த மொத்த ரசிகர்களும் ரஷித் கானின் இந்த ஷாட்டை பார்த்து மெய்சிலிர்த்து போகினர்.
மராத்தா அரேபியன்ஸ் அணியின் கேப்டனாக இந்திய அணியின் முன்னாள் துவக்க ஆட்டக்காரர் சேவாக் விளையாடி வருகிறார். இந்தப்போட்டியில், முதலில் பேட் செய்த மராத்தா அரேபியன்ஸ் அணி நிர்ணையிக்கப்பட்ட 10 ஒவர்களில் 6 விக்கெட் இழப்புக்கு 125 ரன்கள் சேர்த்தது. பின்னர் இந்த இலக்கை துரத்திய பக்தூன்ஸ் அணி 4 பந்துகள் மீதம் வைத்து வெற்றி இலக்கை எட்டியது.
அனைவரது பாராட்டையும் பெற்ற ரஷித் கான், ஹெலிகாப்டர் ஷாட்டை கண்டுபிடித்தவர் எம்எஸ் டோனிதான் என்று டுவிட்டரில் பதிவிட்டுள்ளார்.source-maalaimalar
* இந்த பதிவு உங்களுக்கு பயனுள்ளதாக இருந்தால், உங்கள் நண்பர்களுடன் பகிர்ந்து கொள்ளுங்கள்.
