சியோமி நிறுவனத்தின் சியோமி Mi A1 ஆண்ட்ராய்டு ஓன் ஸ்மார்ட்போன் புதிய நிறத்தில் விற்பனை செய்யப்படுகிறது. இந்தியாவில் செப்டம்பர் மாதம் அறிமுகம் செய்யப்பட்ட சியோமி Mi A1 முழு விவரங்களை தொடர்ந்து பார்ப்போம்.
சியோமி நிறுவனத்தின் Mi A1 ஆண்ட்ராய்டு ஒன் போன் செப்டம்பர் மாத வாக்கில் இந்தியாவில் அறிமுகம் செய்யப்பட்டது. பிளாக், கோல்டு மற்றும் ரோஸ் கோல்டு நிறங்களில் அறிமுகமான சியோமி Mi A1 இதுவரை பிளாக் மற்றும் கோல்டு நிறங்கள் மட்டுமே விற்பனை செய்யப்பட்டன.
அந்த வகையில் ரோல்ஸ் கோல்டு நிற மாடல் இன்று முதல் விற்பனை செய்யப்படுகிறது. நிறத்தை தவிர மற்ற அம்சங்களில் எவ்வித மாற்றமும் மேற்கொள்ளப்படவில்லை. 12 எம்பி டூயல் பிரைமரி கேமரா, 5.5 இன்ச் 1080 பிக்சல் டிஸ்ப்ளே, ஆக்டாகோர் ஸ்னாப்டிராகன் 625 சிப்செட் மற்றும் 3080 எம்ஏஎச் பேட்டரி உள்ளிட்டவை வழங்கப்பட்டுள்ளது.
சியோமி Mi A1 சிறப்பம்சங்கள்:
– 5.5 இன்ச் ஃபுல் எச்டி 2.5D வளைந்த கிளாஸ் டிஸ்ப்ளே
– கார்னிங் கொரில்லா கிளாஸ்
– குவால்காம் ஸ்னாப்டிராகன் 625 ஆக்டாகோர் பிராசஸர்
– 4 ஜிபி ரேம்
– 64 ஜிபி இன்டெர்னல் மெமரி
– 12 எம்பி + 12 எம்பி பிரைமரி கேமரா
– 5 எம்பி செல்ஃபி கேமரா
– Mi Ui சார்ந்த ஸ்டாக் ஆண்ட்ராய்டு 7.1.1
– 4ஜி வோல்ட்இ, வைபை, ப்ளூடூத்
– 3080 எம்ஏஎச் பேட்டரி
– மெமரியை கூடுதலாக நீட்டிக்கும் வசதி
– கைரேகை ஸ்கேனர்
புதிய Mi A1 ஸ்மார்ட்போனில் ஆயிரக்கணக்கான தொலைகாட்சிகளுடன் இணைக்கும் வசதி, செட் டாப் பாக்ஸ், குளிர்சாதன பெட்டி, ஸ்பீக்கர்கள் மற்றும் பல்வேறு சாதனங்களின் சப்போர்ட் வழங்கப்படுகிறது.
சியோமி Mi A1 ரோஸ் கோல்டு நிற மாடல் Mi.com, பிளிப்கார்ட், Mi ஹோம் ஸ்டோர் மற்றும் சில விற்பனையாளர்களிடம் விற்பனை செய்யப்படுகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
