சாம்சங் நிறுவனம் கேலக்ஸி ஏ8எஸ் மிட்-ரேன்ஜ் ஸ்மார்ட்போனினை அறிமுகம் செய்தது. இன்ஃபினிட்டி-ஒ ரக டிஸ்ப்ளே கொண்ட கேலக்ஸி ஏ8எஸ் ஸ்மார்ட்போனில் 6.4 இன்ச் ஃபுல் ஹெச்.டி. பிளஸ் ஸ்கிரீன், இன்-டிஸ்ப்ளே செல்ஃபி கேமரா வழங்கப்பட்டுள்ளது. இந்த டிஸ்ப்ளேவினை சாம்சங் இன்ஃபினிட்டி-ஒ என அழைக்கிறது.
புது ஸ்மார்ட்போனின் டிஸ்ப்ளேவில் 6.7 எம்.எம். அளவில் சிறிய துளையிடப்பட்டு இருக்கிறது. இத்துடன் ஸ்னாப்டிராகன் 710 பிராசஸர், அதிகபட்சம் 8 ஜி.பி. ரேம், ஆண்ட்ராய்டு 8.1 ஓரியோ மற்றும் மூன்று பிரைமரி கேமரா செட்டப் வழங்கப்பட்டுள்ளது.
அந்த வகையில் 24 எம்.பி. பிரைமரி கேமரா, f/1.7, 10 எம்.பி. டெலிஃபோட்டோ லென்ஸ், f/2.4, 5 எம்.பி. டெப்த் கேமரா சென்சார் வழங்கப்பட்டுள்ளது. பின்புறம் கைரேகை சென்சார் கொண்டிருக்கும் கேலக்ஸி ஏ8எஸ் ஸ்மார்ட்போனில் 3400 எம்.ஏ.ஹெச். பேட்டரி, ஃபாஸ்ட் சார்ஜிங் வசதி வழங்கப்பட்டுள்ளது.
சாம்சங் கேலக்ஸி ஏ8எஸ் சிறப்பம்சங்கள்:
– 6.4 இன்ச் 2340×1080 பிக்சல் ஃபுல் ஹெச்.டி. பிளஸ் 19:5:9 2.5D வளைந்த கிளாஸ் டிஸ்ப்ளே
– ஆக்டா கோர் ஸ்னாப்டிராகன் 710 10 என்.எம். பிராசஸர்
– அட்ரினோ 616 GPU
– 6 ஜி.பி. / 8 ஜி.பி. ரேம்
– 128 ஜி.பி. மெமரி
– மெமரியை கூடுதலாக நீட்டிக்கும் வசதி
– ஆண்ட்ராய்டு 8.1 ஓரியோ
– டூயல் சிம்
– 24 எம்.பி. பிரைமரி கேமரா, எல்.இ.டி. ஃபிளாஷ், f/1.7
– 10 எம்.பி. டெலிஃபோட்டோ லென்ஸ், f/2.4
– 5 எம்.பி. டெப்த் கேமரா, f/2.2
– 24 எம்.பி. செல்ஃபி கேமரா, f/2.0
– கைரேகை சென்சார்
– டூயல் 4ஜி வோல்ட்இ, வைபை, ப்ளூடூத், யு.எஸ்.பி. டைப்-சி
– 3400 எம்.ஏ.ஹெச். பேட்டரி
– அடாப்டிவ் ஃபாஸ்ட் சார்ஜிங்
சாம்சங் கேலக்ஸி ஏ8எஸ் ஸ்மார்ட்போன் புளு, கிரே மற்றும் கிரீன் நிறங்களில் கிடைக்கிறது. சீனாவில் டிசம்பர் 21ம் தேதி முதல் முன்பதிவு செய்யப்படும் கேலக்ஸி ஏ8எஸ் விலை பற்றி எவ்வித தகவலும் வழங்கப்படவில்லை.source-maalaimalar
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
