தனது கணவர் ஜாதி வெறியன் அல்ல உள்ளதைதான் பேசுகிறார் என தடாலடியாக கூறியுள்ளார் இயக்குநர் மோகன் ஜியின் மனைவி.
இயக்குநர் மோகன் ஜி
தமிழ் சினிமாவில் பழைய வண்ணாரப்பேட்டை படத்தின் மூலம் இயக்குநராக அறிமுகமானவர் மோகன் ஜி. தொடர்ந்து திரௌபதி, ருத்ர தாண்டவம் உள்ளிட்ட படங்களை இயக்கிய பெரும் பிரபலமானார். மோகன் ஜி இயக்கத்தில் தற்போது வெளியாகி உள்ள திரைப்படம் ‘பகாசூரன்’. இந்த திரைப்படத்தில் செல்வராகவன், நட்டி நட்ராஜ், கே ராஜன், தேவதர்ஷினி உள்ளிட்ட பலர் நடித்துள்ளனர்.
பகாசுரன்
இந்தப் படத்திற்கு சாம் சிஎஸ் இசையமைத்துள்ளார். இயக்குநர் மோகன் ஜியின் படங்கள் எப்போதுமே சமூக பிரச்சனைகளை பேசும் படமாக உள்ளது. குறிப்பாக அவரது இயக்கத்தில் வெளியான திரௌபதி திரைப்படம் சாதிய ரீதியான படம் என்று விமர்சனம் எழுந்தது. இந்நிலையில் தற்போது வெளியாகியுள்ள பகாசுரன் திரைப்படம் ஆன்லைன் குற்றங்களில் பெண்களை சிக்க வைத்து சீரழிப்பது குறித்து பேசியுள்ளது.
குவியும் பாராட்டு
பாகசுரன் படத்திற்கு பாராட்டுக்கள் குவிந்து வருகின்றன. சமூக விழிப்புணர்வை பேசும் இந்தப் படத்திற்கு ரசிகர்கள் மத்தியிலும் நல்ல வரவேற்பு கிடைத்துள்ளது.
பெண்களும் பகாசுரன் படத்தை பாராட்டி வருகின்றனர். இந்நிலையில் பிரபல யூட்யூப் சேனலுக்கு இயக்குநர் மோகன்ஜி தனது மனைவி மற்றும் மகளுடன் சேர்ந்து பேட்டியளித்துள்ளார். அதில் பேசியுள்ள மோகன் ஜியின் மனைவி தனது கணவர் குறித்து பல்வேறு தகவல்களை பகிர்ந்துள்ளார்.
சாதி வெறியர் அல்ல
தனது கணவர் ஒரு சமூகத்தை சாடும் மைண்ட் செட்டில் படம் எடுக்கவில்லை என்றுமூ என்றும் இந்த மாதிரி பெயர் வரும் என்றும் படம் எடுக்கவில்லை என்றும் கூறியுள்ளார்.
அவர் தவறு எதுவும் செய்யவில்லை என்றும் தான் தனது கணவருக்குதான் சப்போர்ட் செய்வேன் என்றும் கூறியுள்ளார். தனது கணவர் என்ன செய்தாலும் அவருக்கு பின்னால் தான் எப்போதும் இருப்பேன் என்றும் என்ன நடந்தாலும் நான் பார்த்துக் கொள்கிறேன் என்றுதான் கூறுவேன் என்றும் தெரிவித்துள்ளார்.
அரெஸ்ட் ஆனாலும்
மேலும் அதற்காக தனது கணவரை கைது செய்தாலும், தான் அவரை பெயிலில் எடுப்பேன் என்றும் ஊக்கம் அளிப்பேன் என்றும் தெரிவித்துள்ளார். திரௌபதி படம் வந்த போது தான் ரொம்பவே பயந்ததாகவும், பயந்தது போலவே நிறைய பிரச்சனைகள் வந்ததாகவும் தெரிவித்துள்ளார்.
என்ன வந்தாலும் பார்த்துக்கொள்ளலாம் என தனது கணவருக்கு தைரியம் கூறியதாகவும் நீங்கள் செய்வது தவறில்லை என்றும் விழிப்புணர்வு தான் என தனது கணவருக்கு சப்போர்ட்தான் செய்ததாகவும் கெத்தாக கூறியுள்ளார் இயக்குநர் மோகன் ஜியின் மனைவி.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
