வாட்ஸ்அப் சமீபத்தில் விண்டோஸ் போன்களுக்கான அதன் ஆதரவை முடித்துக்கொண்டது. ஆம், ஒருவேளை உங்களுக்கு தெரியாது என்றால், விண்டோஸ் இயக்க முறைமையில் இயங்கும் ஸ்மார்ட்போன்கள் ஆனது இனிமேல் வாட்ஸ்அப்பை இயக்காது. விண்டோஸ் போன்களுக்குப் பிறகு, வாட்ஸ்அப் இப்போது சில ஆண்ட்ராய்டு போன்கள் மற்றும் ஐபோன்களுக்கான ஆதரவையும் நிறுத்துகிறது. ஏற்கனவே சில ஆண்ட்ராய்டுபோன்கள் மற்றும் ஐபோன்களுக்கான ஆதரவை முடித்துக்கொண்ட வாட்ஸ்அப் தற்போது அந்த பட்டியலில் இன்னும் சில போன்களை சேர்த்துள்ளது.
எந்தெந்த ஐபோன்களில் வேலை செய்யாது?
பேஸ்புக்கிற்குச் சொந்தமான மெசேஜிங் தளமான வாட்ஸ்அப் வெளியிட்ட அதிகாரப்பூர்வ வலைப்பதிவின் படி, ஐஓஎஸ் 7 மற்றும் அதற்கு பழைய மென்பொருளில் இயங்கும் ஐபோன்களுக்கான ஆதரவை முடிவுக்கு வருகிறது. எனவே, நீங்கள் ஒரு ஐபோன் பயனராக இருந்தால், உங்கள் ஐபோன் ஆனது iOS 7 மற்றும் அதற்கும் பழைய மென்பொருள்களின் கீழ் இயங்கினால், இப்போதே சமீபத்திய மென்பொருளுக்கு மேம்படுத்துவது நல்லது. இதை செய்ய Settings menu என்று பின்னர் General என்கிற விருப்பத்தை கிளிக் செய்து Software update என்பதற்குள் நுழைந்து சமீபத்திய மென்பொருளுக்கு அப்டேட் செய்யவும்.
எந்தெந்த ஆண்ட்ராய்டு போன்களில் வேலை செய்யாது?
அதே வலைப்பதிவில், வாட்ஸ்அப்பிற்கான ஆதரவு ஆனது ஆண்ட்ராய்டு பயனர்களுக்கும் முடிவடையும் என்றும் வாட்ஸ்அப் நிறுவனம் கூறியுள்ளது. சாஃப்ட்வேர் வெர்ஷன் 2.3.7 மற்றும் அதற்கு மேற்பட்ட பழைய ஓஎஸ் கொண்டு அனைத்து ஆண்ட்ராய்டு போன்களிலும் பிப்ரவரி 1 க்குப் பிறகு வாட்ஸ்அப்பைப் பயன்படுத்த முடியாது என்று வாட்ஸ்அப் கூறியுள்ளது. எனவே, நீங்கள் இன்னும் பழைய ஆண்ட்ராய்டு தொலைபேசியைப் பயன்படுத்துகிறீர்கள் என்றால், அது இன்னமும் பழைய மென்பொருள் பதிப்புகளை இயக்குகிறது என்றால், உடனே ஒரு புதிய போனை வாங்குவது நல்லது. பின்னரே நீங்கள் தொடர்ந்து வாட்ஸ்அப்பைப் பயன்படுத்த முடியும்.
ஏன் இந்த போன்களில் வாட்ஸ்அப் இயங்காது?
ஏனென்றால், பிரபல மெசேஜிங் தளமான வாட்ஸ்அப், இந்த போன்களில் இனிமேல் அப்டேட்களை உருவாக்காது அல்லது இந்த தளங்களுடன் வேலை செய்யாது. ஒவ்வொரு ஆண்டும் புதிய அப்டேட்கள் வருகின்றன, எனவே வாட்ஸ்அப் சமீபத்தியவற்றில் (புதிய ஓஎஸ்களில்) கவனம் செலுத்தவும் பழையவற்றைத் தவிர்க்கவும் முடிவு செய்துள்ளது. எனவே, உங்களிடம் ஆண்ட்ராய்டு மென்பொருள் பதிப்பு 2.3.7 & அதற்கு பழைய பதிப்பு மற்றும் ஐபோன் iOS 7 & அதற்கும் பழைய பதிப்பு இருந்தால் நீங்கள் அதை புதிய ஓஎஸ் கொண்டு மேம்படுத்த வேண்டும். நீங்கள் மேம்படுத்த விரும்பவில்லை எனில், உங்கள் போனிற்கான அப்டேட்களை வாட்ஸ்அப் அனுப்பாது என்பதால் புதிய அம்சங்கள் எதுவும் உங்களுக்கு கிடைக்காது. இதன் பொருள் இந்த ஆண்டு வரும் அனைத்து புதிய வாட்ஸ்அப் அம்சங்களும் உங்களுக்கு கிடைக்காது என்று அர்த்தம்.
முன்னர் ஜனவரி 1, 2020 இப்போது பிப்ரவரி 1, 2020!
முன்னதாக இந்த வாட்ஸ்அப் சேவை முறிவானது ஜனவரி 1 ஆம் தேதி முதல் அமலுக்கு வரும் என்று அறிவிக்கப்பட்டு இருந்தது. தற்போது அது பிப்ரவரி 1 ஆம் தேதிக்கு தள்ளிவைக்கப்டடுள்ளது என்பது குறிப்பிடத்தக்கது. இதற்கு முன்னர், பிளாக்பெர்ரி ஓஎஸ் மற்றும் பிளாக்பெர்ரி 10, நோக்கியா எஸ் 40, நோக்கியா சிம்பியன் எஸ் 60, ஆண்ட்ராய்டு 2.1 மற்றும் ஆண்ட்ராய்டு 2.2, விண்டோஸ் போன் 7 மற்றும் ஐபோன் 3 ஜிஎஸ் / iOS போனறவைகளில் வாட்ஸ்அப் அதன் சேவையை முடித்துக்கொண்டது. முன்னதாக டிசம்பர் 31, 2019 அன்று, விண்டோஸ் தொலைபேசியிற்கான வாட்ஸ்அப் எண்ட் சப்போர்ட். உண்மையில், Aggiornamentilumia வலைத்தளத்திலிருந்து வரும் ஒரு புதிய அறிக்கை, மைக்ரோசாஃப்ட் ஸ்டோரில் வாட்ஸ்அப் இனி கிடைக்காது என்று தெரிவிக்கிறது.-Source: samayam
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
