குரு பகவானின் ஆதிக்கத்தில் பிறக்கும் ஆங்கிலப் புத்தாண்டின் தொடக்கத்தில் மேஷ ராசிக்காரர்களுக்கு பணத்திற்கு திண்டாட்டம் ஏற்படுமாம்.
நிகழும் விளம்பி வருடம், மார்கழி மாதம் 17-ம் தேதி செவ்வாய்க்கிழமை, நள்ளிரவு 12 மணிக்கு குரு பகவானின் ஆதிக்கத்தில் ஆங்கிலப் புத்தாண்டு (2019) பிறக்கிறது. எண் கணித ஜோதிடப்படி 2019ன் கூட்டுத்தொகை (2+0+1+9=12,1+2=3). குரு பகவானின் ஆதிக்கம் என்பதால், இந்த ஆண்டு பணப்புழக்கம் அதிகரிக்கும். அந்த வகையில், மேஷ ராசிக்காரர்களுக்கு இந்த புது வருடம் எப்படி இருக்கப் போகிறது என்று இங்கு பார்ப்போம்.
வீர உணர்வு கொண்ட மேஷ ராசிக்காரர்களே, 2019 தொடக்கத்தில் பொருளாதார நிலையில் சில நெருக்கடிகள் வரும். இருந்தாலும் பிற்பகுதியில் வருமானத்துக்கு குறை இருக்காது. எதிர்பார்க்கும் உதவிகள் கிடைக்கும். ஒரு சிலருக்கு உடல்நலம் பாதிக்கப்படலாம். தாய், தந்தையின் உடல்நலனிலும் கவனம் தேவை. தந்தையுடன் மன வருத்தம் ஏற்படும்.
வேலையில் இருப்பவர்களுக்கு அதிகமான வேலைப்பளு இருக்கும். புது வேலை தேடும் நபர்களுக்கும் தடங்கல்களுக்கு பின் நல்ல வேலை அமையும். வெளியூர், வெளிநாடுகளின் வேலைக்கான முயற்சிகள் வெற்றி பெரும். நல்ல நிறுவனங்களில் இருந்து அழைப்பு வரும்.
அரசியல், பொது வாழ்வில் உள்ளவர்களுக்கு தர்ம சங்கடமான நிலை ஏற்படும். விவசாயிகளுக்கு பயிர்கடன்கள் சற்று தாமதத்திற்கு பின் கிடைக்கும். கலைத்தொழிலில் உள்ளவர்களுக்கு நல்ல வாய்ப்புகள் அமையும்.
குருபகவானின் அதிசாரம் இருப்பதால், குடும்பத்தில் மகிழ்ச்சி உண்டாகும். சிலருக்கு குழந்தை பாக்கியம் கிடைக்கும். பெண்கள் உடல் நலத்தில் அக்கறை செலுத்த வேண்டும். பிள்ளைகள் வழியில் ஒரு சில சங்கடங்கள் ஏற்படலாம். மாணவ – மாணவியர் கல்வியில் அக்கறை செலுத்தினால் சிறக்கலாம். மொத்தத்தில் இந்த புதுவருடம் மனதில் சலனத்தை ஏற்படுத்தினாலும், பின்பகுதியில், சாதிக்க வைக்கும்.-Source: samayam
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
