எல்லோரும் எதிர்பார்க்காத வகையில் கோடிக்கணக்கில் வசூலை குவித்த திரைப்படங்கள் பெயர் பட்டியல் தற்போது வெளியாகியுள்ளது.
கோலிவுட் சினிமாவில் இந்தாண்டு தொடக்கத்தில் எந்தப் படமும் பெரியதாக ஓடவில்லை என்றே கூறவேண்டும். ஆனால், ஜூலை மாதம் தொடங்கி தற்போது வரை பல படங்கள் வெற்றி பெற்று வருகின்றன. இதில் யாருமே எதிர்பார்க்காத ஒரு சில படங்கள் வெற்றி பெற்று கோடிக்கணக்கில் வசூலித்துள்ளன.
அவை விஷாலின் ‘இரும்புத்திரை’, கீர்த்தி சுரேஷின் ‘மகாநடி’, ஜெயம் ரவியின் ‘டிக் டிக் டிக்’, அடுத்ததாக நடிகர் கார்த்தியின் ‘கடைக்குட்டி சிங்கம்’ ஆகிய படங்கள்.
‘இரும்புத்திரை’ வெளியாகி 100 நாட்கள் ஆகிய நிலையில் உலகம் முழுவதும் இப்படம் ரூ 62 கோடி வரை வசூல் செய்து சாதனை செய்துள்ளது. அதேபோல் ‘டிக் டிக் டிக்’ படம் உலகம் முழுவதும் ரூ 42 கோடி வரை வசூலித்துள்ளது. ‘நடிகையர் திலகம்’ (தெலுங்கில் மகாநடி) படமும் உலகம் முழுவதும் வெளியாகி ரூ. 83 கோடி வசூல் செய்துள்ளது. ‘கடைக்குட்டி சிங்கம்’ கார்த்தியின் திரைப்பயணத்தையே மாற்றியமைத்துள்ளது, இப்படம் உலகம் முழுவதும் ரூ 70 கோடிகளுக்கு மேல் வசூல் செய்து சாதனை படைத்துள்ளது.-
Source: tamil.samayam
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
