கமலை ஒருமையில் பேசியதாக பரவிய தகவல் குறித்து தனது ட்விட்டர் பக்கத்தில் விளக்கமளித்துள்ளார் பிக்பாஸ் டைட்டில் வின்னர் அசீம்.
விஜய் டிவியில் ஒளிப்பரப்பான பிக்பாஸ் சீசன் 6 நிகழ்ச்சி அண்மையில் நடந்து முடிந்தது. இந்த சீசனில்வெற்றி பெற்றார். விக்ரமன் ரன்னரானார். இந்த சீசனின் ரிசல்ட் வெளியாகி பல நாட்கள் கடந்திருந்தாலும், இதுக்குறித்த பேச்சுக்களே இணையத்தில் வட்டமடித்து வருகிறது. மற்ற சீசன் போல் இல்லாமல் இந்த சீசனில் பிக்பாஸ் வீட்டை விட்டு வெளியில் வந்தும் போட்டியாளர்கள் ஒருவரை ஒருவர் குறை சொல்லி வருகின்றனர்.
பிக்பாஸ் சீசன் 6 நிகழ்ச்சியில் மெட்டி ஒலி சீரியல் நடிகை சாந்தி, அசல் கோலார், மகேஸ்வரி, நிவாஷினி, ஜிபி முத்து செரீனா, ராபர்ட் மாஸ்டர், குயின்ஸி, ராம், ஆயிஷா, ஜனனி, தனலட்சுமி, ரச்சிதா, எகேடி, அசீம், விக்ரமன், கதிரவன், மைனா நந்தினி, ஷிவின் மற்றும் அமுதவாணன் ஆகிய போட்டியாளர்கள் கலந்து கொண்டனர்
இதில் விக்ரமன், ஷிவின், அசீம் மூவரும் இறுதிவரை முன்னேறினர். அசீம் டைட்டில் வின்னர் பட்டத்தை தட்டி சென்றார். இவர் டைட்டில் வென்றது குறித்து ஏகப்பட்ட விமர்சனங்கள் எழுந்தது. இதுவரை நடந்து முடித்த சீசன்களில் டைட்டில் வின் பண்ணியவர்களை விட அதிகமாக அசீம் விமர்சிக்கப்பட்டு வருகிறார். பிக்பாஸ் வீட்டில் மற்ற போட்டியாளர்களிடம் அசீம் நடந்து கொள்ளும் விதம் குறித்து வாரவாரம் ஹவுஸ் மேட்ஸுடன் பேசும் கமல் தொடர்ச்சியாக அட்வைஸ் செய்து வந்தார்.
இந்நிலையில் மக்களுடன் அசீம் என்ற நிகழ்ச்சியில் கலந்துகொண்டார் அசீம். அப்போது பேசிய அவர், “பிக்பாஸ் நிகழ்ச்சியில் இப்படி கோபப்பட்டு நடந்துக்குறீங்களே இதை பார்த்து உங்க மகன் என்ன நினைப்பாரு. ஏன் டா என் மகனுடன் நான் நேரத்தை செலவளிக்க பல்லாயிரம் நாட்கள் இருக்கு. அந்த நிகழ்ச்சியை பார்த்துதான் என் மகன் வளரணும்ன்னு எந்த அவசியமே கிடையாது” என்று திமிரான தொனியில் பேசியிருந்தார்.
இதனையடுத்து நெட்டிசன்கள் பலரும் கமலை மறைமுகமாக தாக்கி தான் அசீம் இவ்வாறு பேசியுள்ளதாக வறுத்தெடுத்து வந்தனர். மேலும் இவருக்கு போய் டைட்டில் வழங்கி இருக்கிறீங்க என ட்விட்டரில் கமலை டேக் செய்து விளாசி வந்தனர். இந்நிலையில் இந்த விவகாரம் தொடர்பாக ட்விட்டரில் வீடியோ பதிவு ஒன்றை பகிர்ந்துள்ளார் அசீம்.
அதில், ‘உங்களுடைய நேரத்தை மற்றவர்கள் மீது அன்பு காட்டுவதற்காக செலவிடுங்கள். வெறுப்பை காட்டுவதற்கு செலவிட வேண்டாம். நான் கமல் ஹாசனை தாக்கி பேசவில்லை. அவர் எனக்கு ஒரு தந்தை மாதிரி’ என தெரிவித்துள்ளார். அவரின் இந்த பதிவு இணையத்தில் வைரலாகி வருகிறது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
