பிக் பாஸ் 6 வீட்டில் இருக்கும் அசீம் ஒரு குழந்தை என்று தெரிவித்த முன்னாள் போட்டியாளரால் பரபரப்பு ஏற்பட்டிருக்கிறது.
சண்டக்கோழி என்று பெயர் எடுத்த பிக் பாஸ் 6 போட்டியாளரான அசீமை ஒரு குழந்தை என்று தெரிவித்துள்ளார் முன்னாள் போட்டியாளர் ஒருவர்.
பிக் பாஸ் 6 நிகழ்ச்சி முடிவை நோக்கிச் செல்வதால் வெளியேற்றப்பட்ட போட்டியாளர்களை அழைத்து வந்து தங்க வைத்து, சண்டை போட வைத்திருக்கிறார்கள். ஒரே வீட்டில் தங்கியிருந்த போதிலும் அனைவரும் நட்பாக இல்லை. இந்நிலையில் தான் அவர்களுக்கு இடையே நட்பை ஏற்படுத்த முயற்சி செய்திருக்கிறார் பிக் பாஸ். இது தொடர்பான ப்ரொமோ வீடியோ வெளியாகியுள்ளது.
நட்பு
வானுக்கும் எல்லை உண்டு நட்புக்கு இல்லையே என அசீம் கூறுவதுடன் ப்ரொமோ வீடியோ துவங்கியுள்ளது. அசீம் மேலும் கூறியதாவது, நீங்கள் ஒரு நட்பை இந்த வீட்டில் வளர்க்காமல் விட்டுவிட்டோம் என்று நினைத்தால் ப்ரெண்ட்ஷிப் பேண்டை கட்டிவிட்டு ப்ரெண்ட்ஷிப்பை துவங்குங்கள் என்றார். இதையடுத்து ஆளாளுக்கு பேண்ட் கட்ட ஆரம்பித்தார்கள். யாரும் எதிர்பாராவிதமாக அசீமுக்கு ப்ரெண்ட்ஷிப் பேண்டை கட்டிவிட்டார் விஜே மகேஸ்வரி.
மகேஸ்வரி
பிக் பாஸ் வீட்டிற்கு வந்ததில் இருந்தே அசீமும், மகேஸ்வரியும் மோதிக் கொண்டே இருந்தார்கள். விருந்தாளியாக வந்திருக்கும்போதும் கூட அவர்கள் சண்டை போட்டார்கள். இந்நிலையில் அசீம் பற்றி மகேஸ்வரி கூறியதாவது, வந்த நாளில் இருந்தே அசீம் உங்களுடன் எனக்கு பெருசா கனெக்ட் இல்லை.
அது ஏனென்றால் ஒரு செல்ஃப் ரெஸ்பெக்ட் போயிடுச்சேனு தான். இந்த ஹேட்ரட் வேண்டாமே என கூறி பேண்டை கட்டிவிட்டு அசீமுக்கு தோழியாகிவிட்டார் மகேஸ்வரி.
குவின்ஸி
நான் ப்ரெண்ட்ஷிப்பே வச்சுக்க வேண்டாம் என்று நினைத்து அசீம் என்று சொல்லி அவரின் கையில் பேண்ட் கட்டினார் குவின்ஸி. ஆனால் அதை கட்டும்போது அவர் கொடுத்த எக்ஸ்பிரஷன் தான் செம. ஏதோ பிக் பாஸ் சொல்லிட்டாரே என பெயருக்கு ப்ரெண்ட்ஷிப் பேண்டை கட்டிவிட்டது போன்று இருந்தது குவின்ஸியின் செயல். இதையடுத்து தான் அந்த அதிசயம் நடந்தது.
குழந்தை
உப்புமாவுக்கு பெயர் போன சாந்தி அக்கா பிக் பாஸ் 6 வீட்டில் இருந்தபோது அசீமுடன் பெரிதாக பேசவில்லை. இந்நிலையில் விருந்தாளியாக வந்திருக்கும் இடத்தில் அசீம் கையில் ப்ரெண்ட்ஷிப் பேண்டை கட்டிவிட்டார். அது கூட பரவாயில்லை. பேண்டை கட்டிவிட்டு சாந்தி அக்கா கூறியதாவது, வெளியே போய் பார்த்தற்கு பிறகு தான் நீ குழந்தை என்றார்.
அதை கேட்ட அசீம், நான் குழந்தையாமா என கையெடுத்து கும்பிட்டார். அந்த ஃபீலிங்குடன் ப்ரொமோ வீடியோ முடிந்துவிட்டது. சாந்தி அக்கா சொன்னதே கேட்ட பார்வையாளர்களோ, எதே, அசீம் ஒரு குழந்தையா என அப்படியே ஷாக்காகிவிட்டார்கள்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
