விழி பிதுங்கிய நீதிபதி ராம்… தரக்குறைவாக பேசிய அசீம்!

பிக் பாஸ் 6 வீட்டில் இருக்கும் ராமை அசீம் தரக்குறைவாக பேசிவிட்டார். அதுவும் ராம் நீதிபதி வேடத்தில் இருந்தபோது இந்த தாக்குதல் நடந்துவிட்டது.

அய்யகோ, பிக் பாஸ் நீதிமன்றத்தில் ஒரு நீதிபதி தாக்கப்பட்டுவிட்டார். இதை கேட்க ஆளே இல்லையா பிக் பாஸ் என பார்வையாளர்கள் நியாயம் கேட்கிறார்கள்.

பிக் பாஸ் 6 வீட்டை கடந்த வாரம் ராயல் மியூசியமாக வைத்திருந்தார்கள். இந்நிலையில் இந்த வாரம் நீதிமன்றமாக மாற்றிவிட்டார்கள்.

ஹவுஸ்மேட்ஸ் தங்கள் வழக்குகளை முன்வைத்து நியாயம் கேட்கிறார்கள். தினமும் ஒருவர் நீதிபதி நாற்காலியில் அமர்ந்து தீர்ப்பு சொல்கிறார். நேற்று ஏ.டி.கே. நீதிபதியாக இருந்தார். இன்று அந்த பொறுப்பு ராமிடம் அளிக்கப்பட்டுள்ளது. இந்நிலையில் தான் ராமுக்கு நடந்த தாக்குதல் தொடர்பான ப்ரொமோ வீடியோ வெளியாகியிருக்கிறது.

அசீம்

சாட்சி கூண்டில் நிற்கும் அசீமிடம், குறுக்கு விசாரணை செய்தார் வழக்கறிஞர் விக்ரமன். நீ பேசுறியா, ராப் பண்றியானு சொன்னது என விக்ரமன் கேட்க அசீம் கோபப்பட்டு கூறியதாவது, அது எப்போ, நான் ராப்லாம் பண்ணலடானு என்றார். அதை கேட்ட நீதிபதி ராம் குறுக்கிட்டு, ஒருத்தரின் தொழில் வச்சு பேசுறதும் அவமரியாதை என்றார். அதை கேட்ட அசீமுக்கு மேலும் கோபம் வந்தது. அந்த தொழில் வச்சு பேசுனது கேஸா கொடுக்கவில்லை யுவர் ஹானர் என்றார் அசீம்.

ராம்

நீதிபதி வந்து கேஸுக்கு தொடர்பானவற்றை பற்றி தானே பேச வேண்டும் என அசீம் கூறினார். அதை கேட்ட விக்ரமனோ, ஜட்ஜ் வந்து தன் கருத்தை சொல்லலாம் என்றார். அதற்கு அசீமோ, ஆமாமா, கரெக்ட் தான். வீட்ல டாஸ்க்லாம் படுத்து தூங்குவது தவறு என்று ராமை குத்திக் காட்டினார். அதை கேட்ட ராம் செய்வதறியாது விழித்தார்.

தாக்கப்பட்டார்

ப்ரொமோ வீடியோவை பார்த்தவர்கள் கூறியிருப்பதாவது, அய்யகோ, நீதிபதி ராம் தாக்கப்பட்டாரே. ரூ. 2.5 லட்சம் ப்ரொமோஷன் செய்தவருக்கே இப்படி ஒரு நிலைமையா?. பிக் பாஸ் வீட்டிற்கு வந்ததில் இருந்து ராமுடன் மட்டும் தான் அசீம் சண்டை போடவில்லை. தற்போது அதுவும் நடந்துவிட்டது. அசீம் தனக்கு சாதகமாக எதுவும் இல்லை என்றால் பர்சனல் அட்டாக் பண்ணுகிறார். அது சரி, அசீம் அசீம் தானே. ராமை குற்றம் சொல்லும் அசீம் என்னத்த பெரிதாக செய்துவிட்டாராம் என்கிறார்கள்.

கமெண்ட்ஸ்

பிக் பாஸ் வீட்டிற்கு வந்ததில் இருந்தே ராம் பேசுவது இல்லை. இந்நிலையில் நீதிபதியாக அமர வைத்தும் பேசாமல் இருக்கிறாரே என முதல் ப்ரொமோ வீடியோவை பார்த்தவர்கள் தெரிவித்தனர். போயும், போயும் மிக்சர் மாமா ராம் தான் நீதிபதியாக கிடைத்தாரா பிக் பாஸ் என சமூக வலைதளவாசிகள் கேட்டார்கள். உடனே இரண்டாவது ப்ரொமோ வீடியோவில் ராமை கோபப்பட்டு பேச வைத்துவிட்டார்கள்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!