உலகநாயகன் கமல்ஹாசன் தொகுத்து வழங்கும் பிக் பாஸ் சீசன் 6 சில நாட்களுக்கு முன்பு துவங்கப்பட்டது. நிகழ்ச்சி துவங்கிய சில நாட்களிலேயே சண்டைகளுக்கும், சர்ச்சைகளுக்கும் பஞ்சமில்லாமல் செல்கின்றது. வழக்கமாக பிக் பாஸ் சீசன்களில் இருக்கும் காதல்கள், காமெடி ,சண்டைகள் என கமர்ஷியல் கலவையாக இந்த சீசன் கலைக்கட்டியுள்ளது.
இந்நிலையில் தற்போது பிக் பாஸ் நிகழ்ச்சியில் பொம்மை டாஸ்க் நடைபெற்று வருகின்றது. இதில் பல மோதல்கள் வெடித்து வருகின்றன. எனவே இந்த வாரம் உலகநாயகன் கமல்ஹாசன் மோதல்களில் ஈடுபட்டவர்களை கண்டிப்பாரா என ரசிகர்கள் எதிர்பார்த்து காத்துக்கொண்டிருக்கின்றனர்.
இது ஒருபக்கம் இருக்க மறுபக்கம் இந்த வாரம் யார் வெளியேறப்போகின்றார்கள் என்ற பேச்சும் துவங்கியுள்ளது. இந்த சீசனில் முதல் போட்டியாளராக ஜி.பி.முத்து தானாக வெளியேறினார். தன் குடும்பத்தை பிரிந்து இருக்க முடியாது என்ற காரணத்தை கூறி ஜி.பி.முத்து வெளியேறினார்.
இதையடுத்து ஷாந்தி கடந்த வாரம் குறைவான வாக்குகளை பெற்று வெளியேறினார். இந்நிலையில் இந்த வார நாமினேஷனில் அசல், ஜனனி, அசீம் உட்பட மொத்தம் 7 பேர் இருக்கின்றனர். இதில் தற்போது வந்த தகவலின் படி அசல் குறைவான வாக்குகளை பெற்றுள்ளாராம்.
எனவே இந்த வாரம் அசல் தான் வெளியேற்ற படுவார் என பேசப்பட்டு வருகின்றது. இந்த சீசனில் அதிகஅளவில் ரசிகர்களின் வெறுப்பை சம்பாதித்த போட்டியாளராக அசல் இருக்கின்றார். பெண்களிடம் அவர் நடந்துகொள்ளும் முறை பார்ப்பவர்களை முகம் சுளிக்க வைக்கின்றது.
எனவே கடந்த சில நாட்களாக அசலை வெளியேற்ற வேண்டும் என ரசிகர்கள் கருத்து தெரிவித்து வருகின்றனர். இந்நிலையில் இந்த வாரம் அசல் மிகக்குறைவான வாக்குகளை பெற்று வெளியேறுவார் என எதிர்பார்க்கப்படுகின்றது குறிப்பிடத்தக்கது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
