பிக்பாஸ் ‘சாஷோ’.. இந்த சீசனில் சம்பளம் எவ்ளோ தெரியுமா?

ஹவுஸ்மேட்டுகளை காந்த குரலால் மிரட்டி வரும் பிக்பாஸ் சாஷோவின் சம்பளம் குறித்த தகவல் வெளியாகியுள்ளது.

இந்தி பிக்பாஸ் நிகழ்ச்சி வெற்றி பெற்றதை தொடர்ந்து தெலுங்கு , மலையாளம், கன்னடம் மற்றும் தமிழ் என மற்ற மொழிகளிலும் பிக்பாஸ் நிகழ்ச்சிகள் தொடங்கப்பட்டன. தமிழில் விஜய் தொலைக்காட்சியில் 2017 ஆம் ஆண்டு முதல் ஒளிபரப்பாகி வருகிறது.

கமல்ஹாசன்

இதுவரை 5 சீசன்கள் நிறைவடைந்துள்ள நிலையில் தற்போது 6வது சீசன் ஒளிபரப்பாகி வருகிறது. கடந்த 5 சீசன்களை தொகுத்து வழங்கிய நடிகர் கமல்ஹாசன்தான் இந்த 6வது சீசனையும் தொகுத்து வழங்கி வருகிறார். இந்த சீசன் ஹாட் ஸ்டாரில் 24 மணி நேரமும் ஒளிபரப்பாகி வருகிறது.

பிக்பாஸாக சாஷோ

மேலும் கடந்த 5 சீசன்களில் பிக்பாஸாக தனது கணீர் மற்றும் காந்தக் குரலால் மிரட்டி வந்த சாஷோ என்கிற சதீஷ் சாரதிதான் இந்த சீசனிலும் மிரட்டி வருகிறார். அவருடைய குரலுக்கு என்றே தனி ரசிகர் பட்டாளம் உள்ளது. ஹவுஸ்மேட்டுகளை நக்கலடிப்பது, கலாய்ப்பது , வெறுப்பேற்றுவது என ஸ்ட்ரிக்ட் ஆபிஸராக உள்ளார் பிக்பாஸ்.

ஃபுல் கன்ட்ரோல்

7 நாட்களும் 24/7 ஹவுஸ்மேட்டுகளுக்கு கட்டளையிடுவது, கண்டிஷன்களை சொல்வது என பிக்பாஸாக தனது கன்ட்ரோலில் வைத்துள்ள சாஷோ என்ன சொன்னாலும் ரசிக்கும்படியாகவே உள்ளது. கமல்ஹாசனே பிக்பாஸ் செட்டிற்குள் வந்தால் சாஷோவை பிக்பாஸ் என்றுதான் அழைப்பாராம்.

கிரியேட்டிவ் டீம்

வெறும் வாய்ஸ் ஓவர் மட்டுமில்லாமல் கிரியேட்டிவ் டிப்பார்ட்மெண்டிலும் தனது பங்கை அளித்து வருகிறார் சாஷோ. இந்நிலையில் இந்த சீசனில் சாஷோ பெறும் சம்பளம் குறித்த தகவல் வெளியாகியுள்ளது. கடந்த சீசனில் மாதம் 5 லட்சம் ரூபாய் சம்பளம் என 17.50 லட்சம் ரூபாய் சம்பளம் பெற்ற சாஷோ தற்போது ஒரு லட்சம் ரூபாய் கூடுதலாக பெற்றுள்ளாராம்.

சம்பளம் எவ்வளவு?

அதாவது மாதம் 6 லட்சம் ரூபாய் சம்பளம் பெறுவதாக கூறப்படுகிறது. இதனால் இந்த சீசன் முழுவதிற்கும் பிக்பாஸ் சாஷோ சம்பளமாக 20 லட்சம் ரூபாய்க்கு மேல் பெறுவார் என கூறப்படுகிறது. சாஷோ தமிழ் மட்டுமின்றி தெலுங்கு, இந்தி உள்ளிட்ட மொழிகளில் முன்னணி நடிகர்களுக்கு குரல் கொடுத்து வருகிறார் என்பது குறிப்பிடத்தக்கது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!