விரைவில் துவங்கவிருக்கும் பிக் பாஸ் 6 நிகழ்ச்சியில் பங்கேற்கவிருக்கும் மாடல் அழகியின் விபரம் வெளியாகியுள்ளது.
பிக் பாஸ் 6 நிகழ்ச்சியில் கலந்து கொள்ளும் சூப்பர் மாடல் யார் என்பது தெரிய வந்திருக்கிறது.
பிக் பாஸ் 6 நிகழ்ச்சி அக்டோபர் 9ம் தேதி மாலை 6 மணிக்கு துவங்கவிருக்கிறது. இந்நிலையில் பிக் பாஸ் நிகழ்ச்சி துவங்க இன்னும் 5 நாட்களே உள்ளது என்று கூறி கமல் ஹாசன் பேசும் ப்ரொமோ வீடியோவை வெளியிட்டுள்ளனர். நிகழ்ச்சியை தொகுத்து வழங்க கமல் வாங்கியிருக்கும் சம்பளத்தை தெரிந்து கொள்ளவே பலரும் ஆவலாக இருக்கிறார்கள்.
மாடல் அழகி
பிக் பாஸ் 6 நிகழ்ச்சியில் சூப்பர் மாடல் ஒருவர் கலந்து கொள்வது உறுதியாகிவிட்டதாக தகவல் வெளியானது. இந்நிலையில் அந்த மாடல் அழகியின் பெயர் ஷெரினா என்பது தெரிய வந்திருக்கிறது. அவரின் புகைப்படமும் வெளியாகியுள்ளது.
போட்டியாளர்கள்
இந்த சீசனில் 21 பேர் கலந்து கொள்கிறார்களாம். கடந்த இரண்டு சீசன்கள் அவ்வளவாக சுவாரஸ்யமாக இல்லை. இந்த சீசனையாவது பரபரப்பாக நடத்துங்கள் என்று பார்வையாளர்கள் கோரிக்கை விடுத்துள்ளனர். இந்த சீசனில் காதல் டிராக்கில் யார் வரப் போகிறார்கள் என்பதை தெரிந்து கொள்ளவும் பார்வையாளர்கள் ஆவலாக இருக்கிறார்கள்.
டிடி
முந்தைய 5 சீசன்களை போன்றே இந்த சீசன் துவங்கும் முன்பும் பிரபல டிவி நிகழ்ச்சி தொகுப்பாளினியான டிடியின் பெயர் அடிபடுகிறது. ஆனால் பிக் பாஸ் வீட்டிற்கு டிடி செல்ல வாய்ப்பே இல்லையாம். இந்நிலையில் யூடியூப் பிரபலம் ஜி.பி. முத்து, ராபர்ட் மாஸ்டர் ஆகியோரை பிக் பாஸ் வீட்டில் கண்டிப்பாக பார்க்கலாம்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
