பிரபல இலங்கை தமிழ் நடிகர் திடீர் மரணம்..!

பிரபல இலங்கை தமிழ் நடிகரான தர்ஷன் தர்மராஜ் காலமானார. அவருக்கு வயது 41.

பிரபல இலங்கை தமிழ் நடிகர் தர்ஷன் தர்மராஜ். 41 வயதான இவர், 2008ஆம் ஆண்டு வெளியான ஏ9 என்ற சிங்கள சீரியல் மூலம் அறிமுகமானார். தொடர்ந்து அதே ஆண்டில் வெளியான பிரபாகரன் என்ற சிங்கள மொழி படத்தில் நடித்து தனது சினிமா பயணத்தை தொடங்கினார்.

தொடர்ந்து சுனாமி, இனி அவன் என பல படங்களில் நடித்தார். பிரபாகரன் படத்தில் வேலுப்பிள்ளை பிரபாகரனாக நடித்து பல எதிர்ப்புகளுக்கும் ஆளானார். இனி அவன் படத்திற்காக விருதும் பெற்றார் தர்ஷன் தர்மராஜ்.

தர்ஷன் தர்மராஜ் கடந்த சில நாட்களாக உடல்நலக்குறைவால் பாதிக்கப்பட்டிருந்தார். இந்நிலையில் நேற்று முன்தினம் இரவு அவரது உடல்நிலை மோசமடைந்தது. இதையடுத்து உடனடியாக மருத்துவமனையில் அனுமதிக்கப்பட்டார் தர்ஷன் தர்மராஜ்.

சிகிச்சை பலனின்றி பரிதாபமாக உயிரிழந்தார். அவரது திடீர் மரணம் இலங்கை சினிமாத்துறையினரையும் ரசிகர்களையும் அதிர்ச்சியில் ஆழ்த்தியுள்ளது. தர்ஷன் தர்மராஜ் மறைவுக்கு சமூக வலைதளங்களில் பிரபலங்கள் பலரும் இரங்கல் தெரிவித்து வருகின்றனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!