விஜய் டிவி பிரபலமான புகழ், மறைந்த நடிகர் வடிவேல் பாலாஜியை உருக்கமாக நினைவு கூர்ந்துள்ளார்.
விஜய் டிவியில் கலக்கப்போவது யாரு, குக் வித் கோமாளி உள்ளிட்ட நிகழ்ச்சிகளின் மூலம் பிரபலமானவர் புகழ். சின்னத்திரையில் தனது டைம்மிங் மற்றும் ஹியூமர் சென்ஸால் கலக்கிய புகழ் படங்களிலும் நடித்து வருகிறார்.
திருமணம்
பல படங்களில் நகைச்சுவை மற்றும் குறிப்பிடத்தகுந்த கதாப்பாத்திரங்களில் நடித்து வரும் புகழ், தற்போது மிஸ்டர் ஜூ கீப்பர் என்ற படத்தின் மூலம் ஹீரோவாகவும் என்ட்ரி ஆகிறார். இந்நிலையில் தனது நீண்ட நாள் காதலியான பென்சியாவை சமீபத்தில் திருமணம் செய்தார் புகழ்.
2வது திருமணம்
ஏற்கனவே சுயமரியாதை திருமணம் செய்த நிலையில் தற்போது இந்து முறைப்படி திருமணம் செய்துள்ளார் புகழ். இதனால் விமர்சனங்கள் எழுந்த போதும் அதனை அசால்ட்டாக கடந்து வருகிறார் புகழ்.
உருக்கம்
இந்நிலையில் நடிகர் புகழ் தனது இன்ஸ்டாகிராம் பக்கத்தில் ஷேர் செய்துள்ள பதிவு ஒன்று ரசிகர்களை கலங்கச் செய்துள்ளது. அதாவது மறைந்த நடிகர் வடிவேல் பாலாஜியின் போட்டோவிடம் தனது மனைவியுடன் ஆசீர்வாதம் வாங்கியுள்ள புகழ், அவரே தனக்கு மகனாக பிறக்க வேண்டும் என உருக்கமாக பதிவிட்டுள்ளார்.
நீங்களே பிறக்கணும்
அவர் பதிவிட்டிருப்பதாவது, இனிய திருமண நாள் நல்வாழ்த்துக்கள் மாமா…உங்கள் திருமண நாள் அன்று என் வாழ்க்கை பயணத்துல அடுத்த கட்டத்துல அடியெடுத்து வைக்கிறேன். உங்க ஆசிர்வாதம் எப்பவும் எங்க ரெண்டு பேருக்கும் இருக்கும்னு நம்பறேன்.எப்பவும் என் கூட தான் இருப்பீங்க, கண்டிப்பா நீங்க தான் எனக்கு மகனா வந்து பொறக்கணும்னு அந்த கடவுள வேண்டிக்கிறேன் மாமா… என குறிப்பிட்டுள்ளார்.
நன்றி மறக்காத புகழ்
புகழை தொலைக்காட்சி மற்றும் மேடை நிகழ்ச்சிகளில் அறிமுகப்படுத்தியவர் வடிவேல் பாலாஜிதான். புகழ் இன்று இந்த அளவுக்கு பெயரும் புகழும் பெற்றுள்ளார் என்றால் அதற்கு காரணம் வடிவேல் பாலாஜிதான். அந்த நன்றியை மறக்காத புகழ், வடிவேல் பாலாஜி மரணமடைந்தபோது இறுதி வரை கூடவே இருந்தார். அவருடைய ஒவ்வொரு பிறந்தநாளுக்கும் நினைவு நாளுக்கும் அவரை நினைவு கூர்ந்து வருகிறார் என்பது குறிப்பிடத்தக்கது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
