நடிகர்கள்:சரவணன் அருள்,ஊர்வசி ரவ்தெலா,விவேக்,ரோபோ ஷங்கர்
இயக்கம்: ஜேடி-ஜெர்ரி
ஷங்கரின் சிவாஜி படக் கதையை கொஞ்சம் எடுத்து, மக்களை காக்கும் ஹீரோ, 5 பாடல்கள், 6 சண்டை காட்சிகள் கொண்ட அப்போதைய கமர்ஷியல் ஃபார்முலா படத்தை கொடுத்திருக்கிறார்கள் ஜேடி, ஜெர்ரி. பழைய ஃபார்முலாவை பார்க்கும் போது போர் அடிக்கிறது. புதிதாக எதுவுமே இல்லை.
உலக பிரபலமான விஞ்ஞானியான டாக்டர் சரவணனை(லெஜண்ட் சரவணன்) சுற்றி கதை நகர்கிறது. ஆன்டிபயாடிக்ஸ் துறையில் புரட்சி செய்த டாக்டர் சரவணன் தன் மக்களுக்காக கிராமத்தில் இருந்தே வேலை செய்கிறார்.
நீரிழிவால் அவதிப்பட்டு வந்த சரவணனின் நண்பர்(ரோபோ ஷங்கர்) இறந்துவிடவே, அந்த நோய்க்கு மருந்து கண்டிபிடிக்க முடிவு செய்கிறார். ஆனால் சரவணனின் முந்தைய ஆராய்ச்சிகளால் பாதிக்கப்பட்ட ஃபார்மா மாஃபியாவுக்கு இது பிடிக்கவில்லை.
அதனால் சுமன், ராகுல் தேவ் உள்ளிட்டோரை வைத்து அவருக்கு தனிப்பட்ட முறையில் இழப்பை ஏற்படுத்தி சரவணனின் ஆராய்ச்சியை நாசம் செய்ய முடிவு செய்கிறார்கள். இதை எல்லாம் தாண்டி சரவணன் சாதிப்பாரா என்பது தான் கதை.
சரவணன் ஹீரோவாக நடித்திருப்பதாலேயே தி லெஜண்ட் படத்திற்கு பெரும் எதிர்பார்ப்பு ஏற்பட்டது. ஒரு ஹீரோவாக அவர் சண்டை போட்டுள்ளார், ரொமான்ஸ் செய்திருக்கிறார், டான்ஸ் ஆடியிருக்கிறார், பன்ச் வசனங்கள் பேசியிருக்கிறார், எமோஷனலாக நடித்திருக்கிறார்.
ஆனால் முகத்தில் இவற்றை காட்டாமலேயே நடித்துள்ளார். சரவணனுக்கு ஓவர் மேக்கப் போட்டுள்ளனர். ஊர்வசி ரவ்தெலா அழகாக இருக்கிறார். யோகி பாபுவின் காமெடியால் சிரிப்பு வரவில்லை. விவேக்கின் கடைசி படம் வேறு எதுவாக இருந்திருக்கலாம்.
சரவணன் அண்ணாச்சியின் கடை விளம்பரத்தில் வருவது போன்று அனைத்து கதாபாத்திரங்களும் பயங்கரமாக உடை அணிந்திருக்கிறார்கள்.
எழுத்தும் சரி, ஹீரோவின் நடிப்பும் சரி ரசிகர்களை கவரவில்லை. தேவையில்லாத பாடல்கள், சண்டை காட்சிகளுக்கு பதில் திரைக்கதையில் கவனம் செலுத்தியிருந்தால் நன்றாக இருந்திருக்கும்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
