தன் மகனுக்கு கடந்த ஆறு ஆண்டுகளாக நடிகர் விஷால் தான் பள்ளிக் கட்டணத்தை செலுத்தி வருகிறார் என நடிகை சார்மிளா தெரிவித்துள்ளார்.
குழந்தை நட்சத்திரமாக தமிழ் திரையுலகிற்கு வந்தவர் சார்மிளா. வளர்ந்த பிறகு தமிழ் தவிர்த்து மலையாளம் மற்றும் கன்னட படங்களிலும் நடித்து வருகிறார்.
தற்போது அவர் மலையாள படங்களில் தான் கவனம் செலுத்திக் கொண்டிருக்கிறார். படங்கள் தவிர்த்து தொலைக்காட்சி தொடர்கள், குயீன் வெப் தொடரிலும் நடித்திருக்கிறார்.
நடிகர் கிஷோர் சத்யாவை திருமணம் செய்த சார்மிளா பின்னர் அவரை பிரிந்தார். அதன் பிறகு ராஜேஷ் என்கிற என்ஜினியரை திருமணம் செய்தார். அவர்களுக்கு ஒரு மகன் இருக்கிறார். 2014ம் ஆண்டு ராஜேஷும், சார்மிளாவும் பிரிந்துவிட்டார்கள். தற்போது அவர் மகனுடன் வசித்து வருகிறார்.
இந்நிலையில் பேட்டி ஒன்றில் சார்மிளா தெரிவித்த விஷயம் ரசிகர்களை கவர்ந்துவிட்டது.
அவர் கூறியதாவது,
நடிகர் விஷால் தான் என மகனுக்கு ஸ்கூல் ஃபீஸ் கட்டி வருகிறார். கடந்த ஆறு ஆண்டுகளாக ஃபீஸ் கட்டுகிறார். ஒரு நடிகை யாரிடமாவது ரூ. 2 ஆயிரம் கடன் வாங்கிவிட்டு ஒரு வாரம் கழித்து கொடுக்கவில்லை என்றால் கூட, ஒரு ஆணிடம் வாங்கினால் மாலை நேரத்தில் போன் செய்து வெளியே போகலாமா என்று கேட்பார்கள். ஆனால் விஷால் அப்படி இல்லை. போன் பண்ண மாட்டார்.
உங்களையும், மகனையும் கடவுள் ஆசிர்வதிக்கட்டும். கவலைப்படாதீர்கள் என்று மெசேஜ் மட்டுமே அனுப்புவார்.
என் மகனை போன்று பல பேருக்கு ஸ்கூல் ஃபீஸ் கட்டுகிறார் என்றார்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
