லோகேஷ் இயக்கத்தில் கமல் நடிப்பில் வெளியான ‘விக்ரம்’ படத்தின் வெற்றி விழா பத்திரிகையாளர்கள் சந்திப்பு நேற்றைய தினம் நடைபெற்றது.
கமல்ஹாசன் நடிப்பில் லோகேஷ் கனகராஜ் இயக்கத்தில் கடந்த ஜூன்3 முதல் உலகம் முழுவதும் 5 மொழிகளில் ரிலீஸாகி பிரம்மாண்ட வெற்றியை ஈட்டியுள்ளது ‘விக்ரம்’. இந்தப்படத்தின் வெற்றி விழா நேற்றைய தினம் நடைபெற்றது. இந்த விழாவில் இயக்குனர் லோகேஷ் கனகராஜுடன், கமல் உணவு சாப்பிட்ட புகைப்படங்கள் இணையத்தில் வைரலாகி வருகிறது.
மாநகரம், கைதி, மாஸ்டர் படங்களை தொடர்ந்து ‘விக்ரம்’ படத்தை இயக்கினார் லோகேஷ் கனகராஜ். கமல், சூர்யா, விஜய் சேதுபதி, பகத் பாசில் என மிகப்பெரிய மாஸ் கூட்டணியில் வெளியான இந்தப்படம் பாக்ஸ் ஆபிஸில் பட்டையை கிளப்பி வருகிறது. பரபரப்பான திரைக்கதை அமைப்பினாலும், ஆக்ஷன் காட்சிகளினாலும் அனைத்து தரப்பு ரசிக்ரகளையும் கவர்ந்து வருகிறது.
உலகம் முழுவதும்வசூலில் மிகப்பெரிய சாதனையை படைத்து வருகிறது. மேலும் நடப்பாண்டில் அதிக வசூல் சாதனை படைத்துள்ள படங்களின் பட்டியலிலும் இடம்பெற்றுள்ளது ‘விக்ரம்’.மேலும் ‘விக்ரம்’ படம், அமெரிக்காவில் மூன்று நாட்களில் 1.6 மில்லியன் அமெரிக்க டாலர்களை வசூலித்து சாதனை படைத்துள்ளது. இந்திய மதிப்பில் அமெரிக்காவில் 12 கோடி ரூபாயை வசூலாக ஈட்டியுள்ளது.
இந்நிலையில் விக்ரம் படத்தின் வெற்றி விழா பத்திரிகையாளர்கள் சந்திப்புசென்னை கிண்டியில் நடைபெறுகிறது. இதில் கமல், லோகேஷ், உதயநிதி ஸ்டாலின், அனிருத், மதுரை அன்பு ஆகியோர் கலந்துகொண்டனர். இவ்விழாவில் கலந்து கொண்ட விருந்தினர்களுக்கு அளிக்கப்பட பல்வகை உணவு குறித்த லிஸ்ட் வெளியாகியுள்ளது.
நாட்டுக்கோழி சூப், முருங்கை கீரை சூப், மாம்பழ ரோல், லிச்சி பழ சந்தேஷ், மட்டன் கீமா உருண்டை, சிக்கன் பிச்சுப்போட்ட வறுவல், வஞ்சரம் மீன் வறுவல், இறால் தொக்கு, மட்டன் சுக்கா, சோள சீஸ் உருண்டை, பன்னீர் டிக்கா, மெக்சிகன் டாகோஸ், ஜலபேனோ சீஸ் சமோசா, கொங்கு ஸ்பெஷல் மட்டன் பிரியாணி, கொங்கு ஸ்பெஷல் சைவ பிரியாணி, தால்சா, ரைதா, விருதுநகர் பன் பரோட்டா.
சிக்கன் பள்ளிபாளையம் கிரேவி, சைவ பள்ளிபாளையம் கிரேவி, இடியாப்பம், ஆட்டுக்கால் பாயா, சைவ குருமா, மதுரை மட்டன் கறி தோசை, முட்டை தோசை, மைசூர் மசால் தோசை, பொடி தோசை, வெங்காய தோசை, கொய்யாக்காய் சட்னி, கோவைக்காய் சட்னி, நிலக்கடலை சட்னி, தேங்காய் சட்னி, சாம்பார், சாமை அரிசி தயிர் சாதம், மோர் மிளகாய், மாங்காய் ஊறுகாய், சுக்கு பால், ஐஸ்கிரீம், நறுக்கிய பழங்கள், பீடா உள்ளிட்ட உணவுகள் இடம்பெற்றுள்ளன. மேலும் லோகேஷுடன் அமர்ந்து கமல் சாப்பிட்ட புகைப்படங்களும் இணையத்தில் வெளியாகி வைரலாகி வருகிறது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
