5 மாத ஆண் குழந்தை தனது தாயை பார்த்து உடற்பயிற்சி மேற்கொள்ளும் வீடியோ வைரலாகி வருகிறது. உடலை சீராக வைத்து கொள்வதற்கான பயிற்சி அளிப்பவராக மிச்சேலே இருந்து வருகிறார்.
இவரது 5 மாத ஆண் குழந்தை தனது வயதில் அதிக சுட்டியாக செயல்படுகிறது. மிச்சேலே உடற்பயிற்சி மேற்கொள்ளும்போது, அவருடன் சேர்ந்து அந்த குழந்தையும் உடற்பயிற்சி செய்கிறது. மிச்சேலே தனது முன்னங்கைகளை தரையில் வைத்தபடி, பிளாங் எனப்படும் உடற்பயிற்சியை மேற்கொள்கிறார். குப்புற படுத்திருந்த அவரது மகன், மிச்சேலேவை பார்த்து தனது உடலை மேலே எழுப்ப முயற்சி செய்து அதில் வெற்றியும் பெறுகிறது.
ஒரு சில வினாடிகள் ஓட கூடிய இந்த வீடியோவில், குழந்தை இந்த வயதிலேயே உடற்பயிற்சியை பார்த்து, பின் கற்று கொண்டு அதனை செய்கிறது. ஆச்சரியப்படும் வகையில் ஒரு தேர்ந்த, பயிற்சி பெற்ற நபரை போன்று அது செயல்படுவது காண்போரை பரவசத்தில் ஆழ்த்துகிறது.
இதனை தனது இன்ஸ்டாகிராமில் மிச்சேலே பதிவிட்டு உள்ளார். எனது 5 மாத குழந்தை சில புதிய விசயங்களை கற்று கொண்டிருக்கிறது என அதில் மிச்சேலே தெரிவித்து உள்ளார். இதனை 3.1 கோடிக்கும் மேற்பட்டோர் பார்வையிட்டு உள்ளனர்.
28.7 லட்சம் பேர் லைக் செய்துள்ளனர். 18 ஆயிரத்திற்கும் கூடுதலானோர் விமர்சனங்களை வெளியிட்டு வருகின்றனர். அதில் அவர்கள், ஆச்சரியம், அழகு, கவருகிறது மற்றும் அறிவாளி என பலரும் தங்களுடைய பதிவுகளை வெளியிட்டு உள்ளனர்.-News & image Credit: dailythanthi * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
