கிரகங்களின் அமைப்பு இந்தாண்டு சிம்ம ராசிக்கு மிகவும் சாதகமானதாக தான் அமைந்துள்ளது. பொதுவாக சிம்ம ராசி அல்லது சிம்ம லக்கினம் அல்லது கடக ராசி கொண்டவருக்கு 7ல் சனி ஆட்சி பெற்று அல்லது உச்சம் பெற்று இருத்தல் கூடாது அப்படி இருந்தால் பலவேறு பிரச்சினைகளைச் சிம்மம், கடக ராசிக்கு தரக்கூடியதாக இருக்கும்.
இந்த முறை வருட கிரகங்கள் எப்படி அமைந்துள்ளது என்பதைப் பார்ப்போம்.
சனி 6ம் இடத்திலும், குரு 7ம் இடத்தில் அதிசார நிலையில் அமர்ந்து குருவின் 7ம் பார்வை ராசி மீது விழுகிறது.
அதே போல ராகு 10ம் இடத்தில் அமர்ந்திருப்பதும் அற்புத பலனைத் தருவதாக இருக்கும். அமலா யோகத்தை தரக்கூடியதாக ராகு 10ல் இருப்பதாக இருக்கும்.
ஆனால் கேது 4ம் இடமான தாய் ஸ்தானத்தில் இருப்பது மட்டும் சிறிதளவு பிரச்சினை தரக்கூடியதாக இருக்கும். தாயின் உடல் நலனில் மட்டும் ஆரோக்கியத்தைக் கவனத்தில் கொள்ளவும்.
பிலவ வருடம் 2021 தமிழ் புத்தாண்டு கிரக நிலைப்படி பொது பலன்கள் எப்படி இருக்கும்?
குரு தரும் யோகம் :
குரு தற்போது செப்டம்பர் 13ம் தேதி வரையிலான அதிசார பெயர்ச்சியில் இருக்கிறார்.
நினைத்ததெல்லாம் நடக்கும். உங்களின் செயல்கள் சிறப்பாக நிறைவேறு உங்கள் உடல், மனம் சிறப்பாக ஒத்துழைப்பதோடு, குடும்பம், பணியிடத்திலும் நல்ல ஆதரவு ஏற்படும்.
வாழ்க்கைத் துணையின் அன்பும், ஆதரவும் மிக சிறப்பாக இருக்கும். கூட்டு தொழில் செய்பவர்களுக்குப் பங்குதாரரின் ஆதரவு சிறப்பாக இருப்பதோடு, தொழிலாளர்களின் செயல்பாடு உங்களுக்கு திருப்தியும், லாபம் தருவதாக இருக்கும். உத்தியோகம், தொழில் முன்னேற்றம் ஏற்படும்.
செப்டம்பர் 14 முதல் நவம்பர் 20 வரை மீண்டும் பழைய நிலை திரும்பும் குரு மகரத்திலிருந்து சற்று சுமாரான பலன்களைத் தருவதாக இருக்கும்.
அதன் பின் முறைப்படி மீண்டும் கும்ப ராசிக்கு குரு பெயர்ச்சி ஆவதால் மீண்டும் அதிர்ஷ்ட பலன்கள் உங்கள் ராசிக்கு தருவதாக இருக்கும்.
இருப்பினும் குரு அவிட்ட நட்சத்திரம் 3, 4ம் பாதத்தில் இருக்கும் போது பெரியளவில் நன்மையைத் தரமாட்டார். அதுமட்டுமல்லாமல் சில விஷயங்களில் கூடுதல் கவனமாக இருக்க வேண்டியது அவசியம்.
குரு நீச நிலையில் இருக்கும் போது பெரியளவில் நற்பலனைத் தராத நிலையாக இருப்பதால் சரியான ஆலோசனை கிடைக்காமல் போகலாம். தேவையில்லாத விஷயத்தில் சிக்கலாம். அதனால், தான் உண்டு தன் வேலை உண்டு என இருப்பது நல்லது.
சனி தரும் பலன் :
சனி பகவான் உங்கள் ராசிக்கு 6ம் இடத்தில் ஆட்சி பெற்று அமர்ந்திருக்கிறார்.
சனி பகவான் 6ல் சஞ்சரித்திருப்பதால் அவருக்கு மறைவு ஸ்தானமாக அமைவதால், எந்த ஒரு ராசிக்கும் மறைவு ஸ்தானத்தில் சனி நல்ல பலன்களைத் தான் தருவார் என்பதால் உங்கள் ராசிக்கு பெரிய நல்லது செய்யாவிட்டாலும் கெடுதல் ஏற்படாது நம் முயற்சியில் அனைத்தும் சிறப்பாக நடக்கும்..
மேஷ ராசிக்கான தமிழ் புத்தாண்டு 2021 பலன்கள் : பட்டைய கிளப்ப போகும் பிலவ வருடம்
திருமண தடை நீங்கி விரைவில் திருமணம் யோகம் உண்டாகும்.
உத்தியோகத்தில் இருந்த தடைகளும், குழப்பங்களும் நீங்கி தெளிவான முன்னேற்ற பாதை பிறக்கும். வேலை விஷயமாக வெளியூர் சென்று வர வாய்ப்புள்ளது.
பெரிய முதலீடு செய்யும் போதும், புதிய தொழில் முயற்சிகளை மேற்கொள்ளும் போது, துறை ரீதியான ஆலோசனை மற்றும் நிதானம் தேவை.
மிதுன ராசிக்கு பிலவ வருடம் தமிழ் புத்தாண்டு பலன்கள் – அதிர்ஷ்டம் இருந்தாலும் கவனம் தேவை!
ராகு கேது தரும் பலன்:
வேலையில் கருத்து பரிமாற்றம் செய்யும் போது மேலதிகாரிகளால் சில அவப்பெயர்கள் ஏற்பட்டு மறையும். சிலர் பணிச்சுமையால் அவதிப்படக் கூடும். இருப்பினும் பதவி, சம்பள உயர்வு கிடைக்க வாய்ப்புள்ளது.
தொழிலில் புதிய வாய்ப்புக்கள், ஒப்பந்தங்கள் பெறுவர். தொழில் முன்னேற்றமும், லாபகரமான முதலீடும் ஏற்படக் கூடும்.
அதிசார குரு பெயர்ச்சி 2021 : அனைத்து ராசிகளுக்கான சுருக்கமான பலன்கள், பரிகாரம்
எதிர்மறை முடிவுகள் ஏற்பட்டாலும் இறுதியில் சாதகமாக ஏற்படும். சில வீண் ஆசைகள் மனதில் ஏற்படக்கூடும்.
வழிபாடு :
திருவண்ணாமலை சென்று வருவது நல்லது.
திங்கட் கிழமைகளில் சிவாலயத்திற்குச் சென்று வரவும்.
அவசரத்தை விட்டாலே அனைத்தும் நன்மை தரும்.- source: samayam
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
