பாலிவுட் நடிகை கங்கனா ரனாவத் நடிக்கும் ‘ஐ லவ் யூ பாஸ்’ படத்தின் போஸ்டர் சர்ச்சையை கிளப்பியுள்ள நிலையில், அது எந்த படத்தின் தாக்கத்தில் உருவாக்கப்பட்டது என்பது தொடர்பான விவரங்கள் வெளிவந்துள்ளது.
இந்தி சினிமாவின் முன்னணி நடிகையான கங்கனா ரனாவத் தமிழ், தெலுங்கில் உருவாகும் ஜெயலலிதா வாழ்க்கை வரலாற்று படமான ‘தலைவி’ படத்தில் ஜெயலலிதாவாக நடிக்கவுள்ளார். இந்நிலையில் அடுத்ததாக ‘ஐ லவ் யூ பாஸ்’ என்ற படத்தில் நடிக்கவுள்ளார்.
இந்த படத்தின் போஸ்டர் ஆபாசமாக இருப்பதாக சர்ச்சைகள் எழுந்தன. உள்ளாடைகள் இல்லாமல் கங்கனாவின் படங்கள் போஸ்டரில் இடம்பெற்றிருந்ததால் பல அமைப்புகள் கண்டனங்களை தெரிவித்தன. அதை தொடர்ந்து ‘ஐ லவ் யூ பாஸ்’ போஸ்டர் இந்தியளவில் வைரலானது.
தற்போது அந்த படத்தின் போஸ்டர் ஒரு ஹாலிவுட் படத்தின் தாக்கத்தில் இருந்து உருவாக்கப்பட்டுள்ளது தெரியவந்துள்ளது. ‘ஷோ கேர்ள்ஸ் என்னும் படத்தின் போஸ்டரை மாதிரியாக வைத்து இந்த போஸ்டரை இயக்குநர் நிலானி உருவாக்கியுள்ளார்.
ஷோ கேர்ள்ஸ் ஒரு ஆபாசப் படம் என்பதால், ஐ லவ் யூ பாஸ் பட இயக்குநர் நிலானி மீது கங்கனா குற்றச்சாட்டை எழுப்பியிருந்தார். தற்போது கங்கனாவின் குற்றச்சாடு நிரூபனம் ஆகியுள்ள நிலையில், ஐ லவ் யூ பாஸ் படம் கைவிடப்படலாம் என எதிர்பார்க்கப்படுகிறது.-Source: samayam
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
