மாற்றுத்திறனாளியான சிறுவன் அஜீத்தின் ஆசையை நடிகர் ராகவா லாரன்ஸ் நிறைவேற்றினார்.
நடிகர், இயக்குனர், தயாரிப்பாளர் என பன்முகம் கொண்டவர் ராகவா லாரன்ஸ். இவை எல்லாவற்றையும் தாண்டி கஷ்டப்படும் ஏழை குழந்தைகளுக்கு உதவுவதில் பெரும் விருப்பம் கொண்டவர். குறிப்பாக மாற்றுத்திறனாளி சிறுவர், சிறுமிகளுக்கு அவர் பல உதவிகள் செய்துள்ளார்.
இந்த நிலையில் அஜீத் என்ற மாற்றுத்திறனாளி சிறுவன் ராகவா லாரன்ஸின் தீவிர ரசிகர். அவர் ராகவா லாரன்ஸை சந்திக்க விரும்பினான். இந்த செய்தியை லாரன்ஸ் தனது ரசிகர் மன்ற நிர்வாகிகள் மூலம் தெரிந்து கொண்டார். உடனடியாக ராகவா லாரன்ஸ், சிறுவன் அஜீத்தை அழைத்து வர ஏற்பாடு செய்தார். வந்த சிறுவனிடம் சில நிமிடங்கள் பேசினார். பின்னர் புகைப்படம் மற்றும் வீடியோ எடுத்து கொண்டார். இந்த புகைப்படங்களும் வீடியோக்களும் இணையதளத்தில் வைரலாகி வருகிறது. மேலும் ராகவா லாரான்ஸுக்கு பாராட்டுக்களும் குவிந்து வருகிறது.
* இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
