காற்றுக்கென்ன வேலி சீரியலில் நடித்து வந்த ஹரி தற்கொலை செய்துக் கொண்ட சம்பவம் சின்னத்திரை வட்டாரத்தில் பெரும் அதிர்ச்சியை ஏற்படுத்தியுள்ளது.
காற்றுக்கென்ன வேலி
விஜய் டிவியில் ஒளிபரப்பாகி வரும் சீரியல்களுக்கு என பெரும் ரசிகர் பட்டாளமே உள்ளது. ஒரு காலத்தில் இல்லத்தரசிகளின் பொழுது போக்காக இருந்த சீரியல்கள் தற்போது இளசுகளின் பொழுது போக்காவும் உள்ளது.
செல்போனிலேயே சீரியல்களை நினைத்த நேரத்தில் பார்த்துக்கொள்ளலாம் என்ற நிலை வந்ததில் இருந்து இளசுகள் மத்தியில் இந்த மாற்றம் ஏற்பட்டுள்ளது. அந்த வகையில் விஜய் டிவியில் ஒளிபரப்பாகி வந்த காற்றுக்கென்ன வேலி சீரியலுக்கும் பெரும் ரசிகர் பட்டாளம் உண்டு.
ரசிகர்கள்
படிக்க கூடாது என எதிர்க்கும் தந்தையை மீறி வெண்ணிலா என்ற இளம்பெண் எப்படி படித்து பட்டதாரி ஆகிறார் என்பதை இளைஞர்களுக்கு பிடிக்கும் வகையில் காதல், எமோஷன், டிவிஸ்ட் என அனைத்தும் உள்ள சீரியலாக ஒளிபரப்பாகி வருகிறது காற்றுக்கென்ன வேலி சீரியல். கல்லூரி கதையை மைய்யப்படுத்தி ஒளிபரப்பாகி வரும் இந்த சீரியலுக்கு ஏராளமான இளைஞர்கள் ரசிகர்களாக உள்ளனர்.
நடிகர் தற்கொலை
இந்நிலையில் காற்றுக்கென்ன வேலி சீரியலில் நடித்து வந்த ஹரி திடீரென தூக்கிட்டு தற்கொலை செய்து கொண்ட சம்பவம் பெரும் அதிர்ச்சியை ஏற்படுத்தியுள்ளது.
காற்றுக்கென்ன வேலி சீரியலில் வெண்ணிலாவின் தோழனாக சிறு கதாபாத்திரத்தில் நடித்தவர் ஹரி. இவர் நேற்று சென்னையிலுள்ள தனது வீட்டில் தற்கொலை செய்துக் கொண்டார். இதற்கான காரணம் குறித்து போலீசார் விசாரணை நடத்தி வருகின்றனர்.
ராகவேந்திரன் புலி இரங்கல்
ஹரி நடிகராக மட்டுமின்றி கானா பாடகராகவும் இருந்து வந்துள்ளார. ஹரி திடீரென தற்கொலை செய்து கொண்டது சின்னத்திரை வட்டாரத்தில் பெரும் அதிர்வலைகளை ஏற்படுத்தியுள்ளது.
ஹரியின் மறைவுக்கு பிரபல சின்னத்திரை நடிகரான ராகவேந்திரன் புலி இரங்கல் தெரிவித்துள்ளார். ஹரியுடன் இணைந்து நடித்த காட்சிகளை ஷேர் செய்துள்ள ராகவேந்திரன் புலி எத்தனை முறை அட்வைஸ் செய்திருப்பேன்? ஏன்டா இப்படி ஒரு முடிவை எடுத்தாய் என கண்ணீர்விட்டுள்ளார்.
டான்சர் ரமேஷ் தற்கொலை
கடந்த இரண்டு வாரங்களுக்கு முன்பு ஜீ தமிழ் தொலைக்காட்சி பிரபலமான டான்சர் ரமேஷ் தற்கொலை செய்து கொண்டார். துணிவு படத்தில் நடித்த டான்சர் ரமேஷ், ரஜினிகாந்தின் ஜெயிலர் படத்திலும் நடித்துள்ளார்.
ஆனால் அந்தப் படம் ரிலீஸ் ஆவதற்கு முன்பே குடியிருப்பின் பத்தாவது மாடியில் இருந்து குதித்து தற்கொலை செய்து கொண்டார் டான்சர் ரமேஷ். இந்நிலையில் விஜய் டிவி சீரியல் நடிகர் ஹரி வீட்டில் தூக்கிட்டு தற்கொலை செய்து கொண்ட சம்பவம் சின்னத்திரை வட்டாரத்தில் அதிர்ச்சியையும் பரபரப்பையும் ஏற்படுத்தியுள்ளது.-News & image Credit: samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
