நீங்க ஜெயிச்சுட்டீங்க…. அசீமையே அழ வைத்த பிக் பாஸ்.!

சண்டைக்கு பெயர் போன அசீமையே அழ வைத்துவிட்டார் பிக் பாஸ். இது தொடர்பான ப்ரொமோ வீடியோ வெளியாகியிருக்கிறது.

அசீமை பிக் பாஸ் வாழ்த்த அதை கேட்டு அவர் கண் கலங்கிய ப்ரொமோ வீடியோ வெளியாகியிருக்கிறது.

பிக் பாஸ்

பிக் பாஸ் 6 நிகழ்ச்சி 103வது நாளை எட்டியுள்ளது. இந்நிலையில் போட்டியாளர்கள் ஒவ்வொருவரையாக மேடைக்கு அழைத்து அவர்களை பாராட்டுவதுடன், வாழ்த்தவும் செய்கிறார் பிக் பாஸ். அந்த வகையில் இன்று அசீமை பாராட்டிய ப்ரொமோ வீடியோவை வெளியிட்டுள்ளனர்.
ப்ரொமோ

அசீம்

பிக் பாஸ் 6 நிகழ்ச்சி பார்க்கும்படியாக இருக்கிறது என்றால் அதற்கு சண்டக்கோழி அசீமும், தனலட்சுமியும் தான் காரணம் என்றார்கள் பார்வையாளர்கள். அதில் தனலட்சுமியை வெளியேற்றிவிட்டார்கள். இந்நிலையில் அசீம் பற்றி பிக் பாஸ் கூறியிருப்பதாவது, இந்த மொத்த வீடும் எதிர்த்து நின்றபோதும் துளி கூட பயப்படாமல் இந்த பிக் பாஸ் போட்டியை முழுமையாக விளையாடி மக்கள் மனதை வென்றிருக்கிறீர்கள் என பிக் பாஸ் சொல்லச் சொல்ல அசீமுக்கு கண்ணீர் முட்டிக்கொண்டு வந்துவிட்டது.

கேம்

நான் இந்த வீட்டில் தனியாக தான் கேம் ஆட வந்தேன். நான் இங்கே சம்பாதித்த நட்புகள் எல்லாத்தையும் வீட்டுக்கு வெளியே போய் வச்சுக்கிறேன் என்று அசீம் முன்பு கூறிய வீடியோவை ஒளிபரப்பினார்கள். அதன் பிறகு பிக் பாஸ் கூறியதாவது, மனதில் நிறைய சோகம் இருந்தால் வெளியே நிறைய கோபம் இருக்கும் என்பார்கள். இந்த சோகங்கள் எல்லாம் தீர்ந்து ஒரு புது வாழ்க்கையை நோக்கி பயணிக்க ஆல் தி பெஸ்ட் என்றார்.

கண்ணீர்

பிக் பாஸ் சொன்னதை கேட்டு அசீம் அழுது கொண்டே இருந்தார். அந்த அழுகையுடனேயே ப்ரொமோ வீடியோவை முடித்துவிட்டார்கள். கோபத்திற்கு பெயர் போன அசீம் இந்த அளவுக்கு அழுவார் என யாரும் எதிர்பார்க்கவில்லை. ரொம்ப கஷ்டப்பட்டிருப்பார் போன்று என பார்வையாளர்கள் தெரிவித்துள்ளனர்.

ஆதரவாளர்கள்
நான் இங்கே கேம் விளையாட வந்தேன். நட்பை வீட்டுக்கு வெளியே வைத்துக்கொள்கிறேன் என சொன்னபடியே செய்து கொண்டிருக்கிறார் அசீம். அவருக்கு தாராளமாக டைட்டிலை கொடுக்கலாம். தனி ஒருவன் நினைத்துவிட்டால் தடைகள் ஏதும் இல்லை பாடல் அவருக்கு பொருத்தமாக உள்ளது என ஆதரவாளர்கள் தெரிவித்துள்ளனர்.

சண்டை

மற்றவர்கள் கூறியிருப்பதாவது, இது உலக மகா நடிப்புடா சாமி. நீங்கள் என்ன தான் நடித்தாலும் டைட்டில் கிடைக்காது. விக்ரமனுக்கு தான் டைட்டில் கிடைக்கப் போகிறது. அசீம் எப்பொழுது பார்த்தாலும் சண்டை போட்டால் உங்கள் வாழ்க்கையில் யாருமே இருக்க மாட்டார்கள். இனியாவது சண்டையை குறைக்கவும். தனி ஒருவன் அசீம் என்று பிக் சொல்வது எல்லாம் ரொம்பவே ஓவர். அசீமை ரொம்ப பிடிக்கும் என பிக் பாஸ் நிரூபித்துவிட்டார் என கூறியுள்ளனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!