ராபர்ட் மாஸ்டர் தலையில் இடியை இறக்கிய ரச்சிதா!

காதல் ஃபீலிங்கில் தன்னையே சுற்றி சுற்றி வந்த ராபர்ட் மாஸ்டர் தலையில் இடியை இறக்கிவிட்டார் ரச்சிதா மகாலட்சுமி.

ராபர்ட் மாஸ்டருக்கு ரச்சிதா மகாலட்சுமி ஷாக் கொடுத்த ப்ரொமோ வீடியோவை வெளியிட்டுள்ளார் பிக் பாஸ்.

பிக் பாஸ் 6 வீட்டில் தற்போதைய போட்டியாளர்களுடன் சேர்ந்து முன்னாள் போட்டியாளர்களும் தங்கியிருக்கிறார்கள். நிகழ்ச்சி தான் முடியப் போகிறதே, அனைவரையும் நண்பர்களாக்கிவிடலாம் என்கிற முடிவுக்கு வந்துவிட்டார் பிக் பாஸ். அசீமை பிடிக்காத மகேஸ்வரி, குவின்ஸி, சாந்தி அக்கா ஆகியோர் அவருக்கு ப்ரெண்ட்ஷிப் பேண்ட் கட்டி நட்பாகிவிட்டார்கள். இந்நிலையில் தான் அடுத்த ப்ரொமோ வீடியோ வெளியாகியுள்ளது.

ஷிவின்

யாருடா இது என்று நான் வெறுப்பான ஒரே ஆள் யார் என்றால் அது ஷிவின் என்று அமுதவாணன் கூறுவதுடன் ப்ரொமோ வீடியோ துவங்கியிருக்கிறது. அமுது கூறியதை கேட்டு ஷிவின் ஆனந்தமாய் சிரித்துக் கொண்டிருக்கிறார். அதுக்கு அப்புறம் தான் ஷிவினும், நானும் ரொம்ப ப்ரெண்டாகிவிட்டோம் என தன் பேச்சை முடித்துக் கொண்டார் அமுதவாணன்.

தனா

அமுதுவை அடுத்து வந்த தனலட்சுமி அசீம் பற்றி பேசுவார் என எதிர்பார்த்தால் விக்ரமன் பற்றி பேசியிருக்கிறார். தனா கூறியதாவது, வந்தப்பகூட அவங்க சொல்லிவிட்டதால் தான் நல்லா பேசுனேன். ஆனால் நீங்க இப்போ பேண்ட் கட்டும்போது ஆச்சு, ஏன் பண்ணிருக்கோம், எல்லோரும் கேம் தானே பண்ணிருப்பாங்கனு தோனுச்சு. உண்மையாகவே உங்களிடம் சாரி கேட்டுக் கொள்கிறேன் என்றார். அதை கேட்டு தன் இடத்தில் இருந்து எழுந்து வந்த விக்ரமன் தனலட்சுமியை கட்டிப்பிடித்து நட்பாக ஏற்றுக்கொண்டார். இந்த அதிசயத்தை காண கண் கோடி வேண்டும் என்கிறார்கள் பார்வையாளர்கள்.

ரச்சிதா

விக்ரமனும், தனலட்சுமியும் நட்பானதை பார்த்த அசீம், சூப்பர்டா என்றார். இதையடுத்து ரச்சிதா மகாலட்சுமியும், அவர் மீது காதலில் இருக்கும் ராபர்ட் மாஸ்டரும் அனைவர் முன்பும் வந்து நின்றார்கள். ரச்சிதா கூறியதாவது, இப்போ கூட சொல்கிறேன். என்னை பொறுத்தவரை எதுவுமே தப்பா படல. யாருக்கு யாரை வேண்டுமானாலும் எந்த நேரத்தில் வேண்டுமானாலும் பிடிக்கலாம். இதுக்கப்புறம் ஒரு அழகான ப்ரெண்ட்ஷிப் இருக்க வேண்டும் என்று நான் விரும்புகிறேன் என ராபர்ட் மாஸ்டரை பார்த்து சொன்னார் ரச்சு. அத்துடன் ப்ரொமோ வீடியோ முடிந்துவிட்டது.

விக்ரமன்

ப்ரொமோ வீடியோவை பார்த்தவர்கள் கூறியிருப்பதாவது, ரச்சுமா இப்படி ராபர்ட் மாஸ்டர் தலையில் இடியை இறக்கிட்டாரே. அது சரி, யாரையும் கட்டாயப்படுத்தி காதலிக்க வைக்க முடியாது. தனலட்சுமி சாரி கேட்டதை நம்ப முடியவில்லை. அமுதுவுக்கு ஷிவினை பிடிக்காதா என தெரிவித்துள்ளார்கள். இதற்கிடையே விக்ரமன் தான் டைட்டில் வின்னர் என அறம் ரசிகர்கள் தெரிவித்து வருகிறார்கள்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!