உங்களை கிழிச்சு காட்டுறேன்…. மகேஸ்வரியுடன் மோதிய மணி..!

பிக் பாஸ் 6 வீட்டிற்கு விருந்தாளியாக வந்த இடத்தில் மணிகண்டன் ராஜேஷுக்கும், விஜே மகேஸ்வரிக்கும் இடையே சண்டை ஏற்பட்டுள்ளது.

மணிகண்டனும், விஜே மகேஸ்வரியும் மோதிக் கொண்ட ப்ரொமோ வீடியோவை வெளியிட்டுள்ளார் பிக் பாஸ்.

பிக் பாஸ் 6 நிகழ்ச்சி முடிவை நோக்கி சென்று கொண்டிருக்கிறது. வீட்டில் ஆறு பேர் மட்டுமே இருப்பதால் வெளியேற்றப்பட்ட போட்டியாளர்களை அழைத்து வந்து தங்க வைத்திருக்கிறார்கள். அப்படி விருந்தாளியாக வந்திருக்கும் மணிகண்டனும், விஜே மகேஸ்வரியும் மோதிக் கொண்டிருக்கிறார்கள். இது தொடர்பான ப்ரொமோ வீடியோ வெளியாகியிருக்கிறது.

மணி

நான் முதலில் மணியிடம் முட்டை கேட்டேன். அவர் இல்லை என்று கூறிவிட்டார் என விக்ரமன் பேசுவதுடன் ப்ரொமோ வீடியோ துவங்கியிருக்கிறது. அதை கேட்ட மணிகண்டனோ, இல்லை என்று நான் சொன்னேனா, மகேஸ்வரி அப்படி தலையை ஆட்டாதீங்க என்றார். அதற்கு மகேஸ்வரியோ, நான் இருந்தேன் என ஆரம்பிக்க அவரை பேசவிடாமல் கத்தினார் மணிகண்டன். விக்ரமிடம் பேசுகிறேன், நீங்க யாருங்க நடுவில் உள்ள மூக்கை நுழைப்பதற்கு. இது தான் செம சீன் மகேஸ்வரி என்று கோபமாக கூறினார் மணிகண்டன்.

கோபம்

இவங்க என்ன வேண்டுமானாலும் பேசுவாங்களாம். நாங்க கேட்டுவிட்டு வாயை மூடிக் கொண்டு இருக்கணுமாம் என்று மணிக்கு பதில் அளித்தார் மகேஸ்வரி. அதை கேட்டுவிட்டு அமைதியாக செல்லும் மூடில் இல்லை மணி. ஒன்னுமே கிழிக்க முடியவில்லை. அதனால் தான் அனுப்பிட்டாங்க. இப்ப வந்து நான் உங்களை கிழிச்சு காட்டுறேன். அடுத்த சீசனில் எடுங்க என தெரிவித்தார். அதை கேட்டு ஹவுஸ்மேட்ஸ் சிரித்ததுடன் ப்ரொமோ வீடியோ முடிந்துவிட்டது.

சண்டை

வழக்கமாக அசீமும், தனலட்சுமியும் தான் இப்படி கத்தி கத்தி சண்டை போடுவார்கள். ஒரு மாற்றமாக இருக்கட்டுமே என மணிகண்டனையும், மகேஸ்வரியையும் கத்தவிட்டிருக்கிறார்கள் போன்று. ஏம்பா, ஃபைனலிஸ்ட்டுகள் எல்லாம் அமைதியாக இருக்க, சும்மா வந்த இடத்தில் இப்படி சண்டை போடுவது சரியா. நீங்கள் எல்லாம் ஆட்டையிலேயே இல்லை என்பதை மறக்க வேண்டாம் என்கிறார்கள் பிக் பாஸ் பார்வையாளர்கள்.

ரச்சிதா

ப்ரொமோ வீடியோவை பார்த்தவர்கள் மேலும் கூறியிருப்பதாவது, சீசனே முடியப் போகிறது. இந்நிலையில் போட்டியாளர்கள் போன்று சண்டை போடுகிறீர்களே. மக்கு மணி, ஏன்யா சும்மா டென்ஷன் ஆகிறீர். கூலாக இருக்கவும். மணியின் உண்மையான முகம் தற்போது தான் வெளியே வருகிறது. ப்ரொமோ வீடியோ முழுக்க விருந்தாளிகளாகத் தான் இருக்கிறார்கள். என்ன கொடுமை சார் இது. தயவு செய்து இவர்களை அல்லாம் வெளியே அனுப்புங்க பிக் பாஸ் என கோரிக்கை விடுத்துள்ளனர். ரச்சிதா வரும் ப்ரொமோ வீடியோவை எதிர்பார்த்து ஏமாந்தது தான் மிச்சம் என சிலர் தெரிவித்துள்ளனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!