தலைவன் பிக்பாஸ் வீட்டுக்கு திரும்ப வந்துட்டான்யா..!

பிக் பாஸ் 6 வீட்டிற்கு யார் வர வேண்டும் என்று பார்வையாளர்கள் எதிர்பார்த்தார்களோ அந்த நபர் வந்துவிட்டார்.

அநியாயமாக வெளியேற்றப்பட்டார் என்று கூறப்பட்ட சாந்தி அக்காவை பிக் பாஸ் வீட்டிற்கு விருந்தாளியாக அழைத்து வந்திருக்கிறார்கள்.

இந்த வாரம் விருந்தாளிகள் வாரம் என பிக் பாஸ் வீட்டிற்கு முன்னாள் போட்டியாளர்களையும், புதுமுகங்களையும் அழைத்து வந்து கொண்டிருக்கிறார்கள். இன்று வெளியான முதல் ப்ரொமோ வீடியோவில் அசல் கோலாரும், ராபர்ட் மாஸ்டரும் வந்தது தெரிய வந்தது. இந்நிலையில் வெளியாகியிருக்கும் இரண்டாவது ப்ரொமோ வீடியோவை பார்த்த பிக் பாஸ் பார்வையாளர்கள் குஷியாகிவிட்டனர்.

​ஜி.பி. முத்து

பிக் பாஸ் வீட்டிற்கு ஜி.பி. முத்துவும், சாந்தி அக்காவும் வந்திருக்கிறார்கள். அவர்களை பார்த்த ஹவுஸ்மேட்ஸுக்கு சந்தோஷம் தாங்கவில்லை. போட்டியாளராக வந்தபோது என் பிள்ளைகளை விட்டுவிட்டு இருக்க முடியவில்லை என்று கூறி வந்த வேகத்தில் கிளம்பினார் ஜி.பி. முத்து. இந்நிலையில் விருந்தாளியாக வந்தவரை முதல் ஆளாக கலாய்த்தது பிக் பாஸ் தான்.

​கலாய்

முத்து, திரும்ப அனுப்பும் போது தான் போகணும் என்றார் பிக் பாஸ். அதை கேட்ட ஜி.பி. முத்துவோ, நீங்க சொன்னாலும் கூட போக மாட்டேன். வெளியே அந்த பாடு பட்டிருக்கிறேன் என்று முத்து கூறியதை கேட்ட ஹவுஸ்மேட்ஸும், விருந்தாளிகளும் சிரித்துவிட்டார்கள். பார்வையாளர்களும் கூட தான்.

​உப்புமா

பிக் பாஸ் வீட்டிற்கு வந்த வேகத்தில் சமையல் அறைக்கு சென்றுவிட்டார் சாந்தி அக்கா. எல்லோருக்கும் காபி போடட்டுமா என சாந்தி அக்கா பாசமாக கேட்க, காபி போடுங்க ஆனால் உப்புமா பக்கம் போனீங்க பார்த்துக்கோங்க என்று செல்லமாக எச்சரித்தார் ஜி.பி. முத்து. சாந்தி அக்காவின் உப்புமாவை அவ்வளவு சீக்கிரம் யாரும் மறந்திருக்க மாட்டார்கள். ஜி. பி. முத்துவை பார்த்த பார்வையாளர்களோ, தலைவன் வந்துட்டான்யா திரும்பி வந்துட்டான்யா என தெரிவித்துள்ளனர்.

​ரத்த பூமி

ஜி. பி. முத்து, சாந்தி அக்காவை எல்லாம் பார்க்கும்போது தான் பிக் பாஸ் வீடு நன்றாக இருக்கிறது. இரண்டு நாளுக்கு தங்கிவிட்டு போகலாமே என்கிறார்கள் பார்வையாளர்கள். இன்னொரு வாட்டி போனாலாம் விட மாட்டார்கள். இனிமே நான் போகச் சொன்னால் தான் போகணும்னு பிக் பாஸ் சொன்னாரா இல்லையா. ரத்த பூமியில கால வச்சுடல என அமுதவாணனும் மற்றவர்களும் ஜி.பி. முத்துவை கலாய்த்தார்கள். அதை கேட்டு ஓட்டம் பிடித்தார் ஜி.பி. முத்து. அத்துடன் ப்ரொமோ வீடியோ முடிந்துவிட்டது.

​டி.ஆர்.பி.

ப்ரொமோ வீடியோவை பார்த்தவர்கள் மேலும் கூறியிருப்பதாவது, தலைவன் வந்துட்டான். இனிமேல் பிக் பாஸ் நிகழ்ச்சி ஜாலியாக இருக்கும். மறுபடியும் ஓடிடாதீங்க ஜி.பி. முத்து. டி.ஆர்.பிக்காக தலைவனை அழைத்து வந்திருக்கிறார்கள். இந்த ப்ரொமோ கொஞ்சம் பரவாயில்லை என்கிறார்கள்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!