பிரபல நடிகை அஞ்சலி தற்போது விஜய் டிவியில் ஒளிப்பரப்பாகி வரும் பிக்பாஸ் நிகழ்ச்சிக்கு சர்ப்ரைஸாக எண்ட்ரி கொடுக்கவுள்ளதாக தகவல்கள் வெளியாகியுள்ளன.
விஜய் டிவியில் ஒளிப்பரப்பாகி வரும் பிரபலமான நிகழ்ச்சி பிக்பாஸ். இந்நிகழ்ச்சியின் சீசன் 6 ல் ஜி.பி. முத்து, அசல் கோலார், ஷிவின் கணேசன், அஸீம், ராபர்ட் மாஸ்டர், ஆயிஷா, ஷெரினா, மணிகண்டன், ராஜேஷ், ரச்சிதா மகாலெட்சுமி, ராம் ராமசாமி, ஏடிகே, ஜனனி, சாந்தி, விக்ரமன், அமுதவாணன், மகேஷ்வரி சாணக்யன், விஜே கதிரவன், குயின்சி, நிவாஷினி, மைனா நந்தினி மற்றும் தனலெட்சுமி ஆகிய போட்டியாளர்கள் கலந்து கொண்டனர்.
இந்த சீசன் இரண்டு வாரம் கடந்த நிலையில் ரசிகர்கள் மத்தியில் அமோக வரவேற்பினை பெற்ற ஜிபி முத்து தனது குடும்பத்தினர் நியாபகமாக இருப்பதாக கூறி பிக்பாஸ் வீட்டை விட்டு அவராகவே வெளியேறினார். மெட்டி ஒலி சீரியல் நடிகை சாந்தி, அசல் கோலார், மகேஸ்வரி, நிவாஷினி, செரீனா மற்றும் ராபர்ட் மாஸ்டர் ஆகியோர் பிக்பாஸ் வீட்டை விட்டு எலிமினேட் ஆகியுள்ளனர்.
மேலும் கடந்த வாரம் குயின்ஸி பிக்பாஸ் வீட்டை விட்டு வெளியேறியுள்ளார். இந்நிலையில் இந்த வாரம் பிக்பாஸ் வீட்டில் டபுள் எவிக்ஷன் நடைபெறும் என அறிவிக்கப்பட்டுள்ளது. தற்போது கொடுக்கப்பட்டுள்ள ‘டிவிங்கிள் டிவிங்கிள் பெரிய ஸ்டார் நீங்க ஆகப்போறீங்க மக்களின் ஸ்டார்’ என்ற டாஸ்க்கில் ஹவுஸ்மேட்ஸ் தங்களின் திறமையை காண்பித்து கலக்கி வருகின்றனர்.
இந்த வார நாமினேஷனில் அசீம், ஜனனி, கதிரவன், ஏடிகே, ஆயிஷா, ராம் ஆகிய 6 பேர் இடம் பெற்றுள்ளனர். இவர்களின் ஆயிஷா மற்றும் ராம் இருவரும் டேஞ்சர் ஜோனில் இருப்பதாக கூறப்படுகிறது. இந்நிலையில் டிஸ்னி ஹாட்ஸ்டார் டுவிட்டர் பக்கத்தில் பிக்பாஸ் வீட்டிற்குள் எண்ட்ரி ஆக போவது யார் என நினைக்கிறீர்கள் எனக்கேட்டு பதிவு ஒன்றை பகிர்ந்துள்ளது.
இது வைல்ட்கார்ட் எண்ட்ரியா அல்லது கெஸ்ட் யாராவது வருகிறார்களா? என குறிப்பிடவில்லை. ஆனால் நடிகை அஞ்சலி தான் ‘Fall’ என்ற வெப் சீரிஸின் புரமோஷனுக்காக பிக்பாஸ் வீட்டுக்குள் வரப்போவதாக கூறப்படுகிறது. இந்த வெப் தொடர் வருகிற டிசம்பர் 9-ந் தேதி டிஸ்னி ப்ளஸ் ஹாட்ஸ்டார் ஓடிடி தளத்தில் வெளியாக உள்ளது.
ஏற்கனவே கடந்த சீசன் பிக்பாஸ் நிகழ்ச்சிகளில் புரோமோஷனுக்காக திரைப்பிரபலங்கள் சர்ப்ரைஸாக பிக்பாஸ் வீட்டுக்குள் சென்று தங்களது படத்தை புரமோட் செய்தனர். அந்த வகையில் தற்போது அஞ்சலி ‘Fall’ என்ற வெப் சீரிஸின் புரமோஷனுக்காக பிக்பாஸ் வீட்டுக்குள் நுழைய போவதாக தகவல்கள் வெளியாகியுள்ளது ரசிகர்கள் மத்தியில் எதிர்பார்ப்பை கிளப்பியுள்ளது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
