இது போங்கு பிக் பாஸ்… மறுபடியும் ‘அவரே’ கேப்டனா!

பிக் பாஸ் வீட்டில் இந்த வாரத்திற்கான தலைவரை தேர்வு செய்ய கடினமான டாஸ்க்கை தான் கொடுத்திருக்கிறார்கள்.

பிக் பாஸ் 6 வீட்டின் இந்த வார தலைவரை தேர்வு செய்யும் டாஸ்க் பற்றிய ப்ரொமோ வீடியோ வெளியாகியிருக்கிறது.

இந்த வாரத்திற்கான தலைவரை தேர்ந்தெடுக்கும் டாஸ்க் குறித்த விபரங்களை மைனா நந்தினி தெரிவிக்கும் ப்ரொமோ வீடியோ வெளியாகியிருக்கிறது. தலைவருக்கான போட்டியில் ஷிவின் கணேசன், தனலட்சுமி, மணிகண்டன் ஆகியோர் கலந்து கொண்டுள்ளனர்.

ஒவ்வொரு போட்டியாளருக்கும் ஒரு கயிற்றில் முடிச்சுடன் இரண்டு கயிறுகள் கொடுக்கப்பட்டுள்ளது. ஒரு கையால் ஒரு கயிறை மட்டுமே பிடிக்கலாம். மற்ற போட்டியாளர்களின் கயிற்றில் இருக்கும் முடிச்சை அவிழ்த்து, அதே சமயம் தங்கள் கயிறை மற்ற போட்டியாளர்களிடம் இருந்து பாதுகாத்துக்கொள்ளவும் வேண்டும் என்றார் மைனா நந்தினி.

மணிகண்டன்

தலைவருக்கான டாஸ்கில் ஷிவின் தான் முதலில் தோற்றார். இந்த வார கேப்டன் மணிகண்டன் தான். அவருக்கு முன்பே தனலட்சுமி காலை கீழே வைத்துவிட்டார். அதனால் இந்த வாரம் மணிகண்டன் வெளியேற வாய்ப்பே இல்லை.

மணிகண்டன் இப்படி அடிக்கடி தலைவராகியே கடைசி வரை வந்துவிடுவார் போன்று என பார்வையாளர்கள் தெரிவித்துள்ளனர். அதே சமயம் ஷிவினை நாமினேட் செய்யுங்கள் என்று ஹவுஸ்மேட்ஸிடம் கோரிக்கை விடுத்திருக்கிறார்கள்.

தனலட்சுமி

ப்ரொமோ வீடியோவை பார்த்தவர்கள் கூறியிருப்பதாவது, சுவாரஸ்யமான டாஸ்க். எந்த டாஸ்காக இருந்தாலும் தனலட்சுமி டஃப் கொடுக்கிறார். இந்த சீசனின் டாஸ்க் பீஸ்ட் டைட்டில் தனலட்சுமிக்கு தான் கொடுக்கப்பட வேண்டும் என்கிறார்கள். தனலட்சுமி மட்டும் அல்ல ஷிவினும், மணிகண்டனும் கூட தான் டாஸ்க் பீஸ்ட் என சிலர் தெரிவித்துள்ளனர்.

கேப்டன்

அது ஏன் மணிகண்டனை மீண்டும் மீண்டும் பிக் பாஸ் வீட்டின் கேப்டன் ஆக்குகிறார்கள். வேறு ஆளே இல்லையா என்ன?. புறம் பேசும் ஏ.டி.கே., மைனா நந்தினி, அமுதவாணனை இந்த வாரம் வெளியேற்றுவார்கள் என்று நம்புகிறோம்.

எனக்கு கேப்டன்ஸி எல்லாம் வேண்டாம் வேண்டாம் என்று சொல்லி மீண்டும் கேப்டன் ஆகிறார் மணிகண்டன். நல்ல வேளை தனலட்சுமி கேப்டன் ஆகல. கேப்டன் ஆகியிருந்தால் ஆட்டம் ஓவராக இருக்கும் என தெரிவித்துள்ளனர்.

அசீம்

ஹவுஸ்மேட்ஸ் யாரும் அசீமை நாமினேட் செய்ய மாட்டார்கள் என்று நம்பப்படுகிறது. அசீமை நாமினேட் செய்தாலும் காப்பாற்றிவிடுவார்கள் என்பது பார்வையாளர்களுக்கு மட்டும் அல்ல ஹவுஸ்மேட்ஸுக்கும் நன்றாகத் தெரிகிறது.

எனவே, அசீம் கடைசி வரை வருவார் என்பதில் சந்தேகமே இல்லை என பிக் பாஸ் பார்வையாளர்கள் கூறுகிறார்கள். வார இறுதி நாட்களில் உலக நாயகன் கமல் ஹாசன் அசீமை விளாசுவது தான் பார்வையாளர்களுக்கு மிகவும் பிடித்த விஷயமாக மாறியிருக்கிறது. அசீம் திட்டு வாங்குவதை பார்க்கவே பலரும் வார இறுதி நாட்களில் பிக் பாஸ் நிகழ்ச்சியை பார்க்கிறார்கள்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!