இதென்ன நியாயம் பிக் பாஸ்..? அசீம் செய்த மட்டமான செயல்.!

தான் செய்த திருட்டுத்தனத்தை ஒப்புக் கொண்டிருக்கிறார் அசீம். அதை பார்த்த மணிகண்டன் கோபம் அடைந்துள்ளார்.

உடம்பு சரியில்லை என்று பாவம் பார்த்தவர்கள் தலையில் கை வைத்துவிட்டார் அசீம்.

பிக் பாஸ் 6 வீட்டில் இருக்கும் அசீம் அமுதவாணனுடன் சண்டை போட்டார். அடிச்சாடலாம் வானு அமுதவாணன் சொல்ல அவர் கன்னத்தில் தட்டினார் அசீம்.

இதையடுத்து மயங்கி விழுந்து சீன் போட்டார். அவரை பாவம் பார்த்து ஏலியன் அணி உள்ளே தூங்கவிட்டார். அந்த வாய்ப்பை பயன்படுத்தி பூக்களை திருடிவிட்டார் அசீம். அதற்கு இன்று தான் ப்ரொமோ வீடியோவே வெளியிட்டுள்ளனர்.

மணிகண்டன்

மனசாட்சியை தொட்டு சொல்லுங்கடா, யாருடா அந்த பூவை எடுத்தா என மணிகண்டன் கேட்க, இந்த பூனையும் பால் குடிக்குமா என்பது போன்று சிரித்தார் அசீம். பின்னர் பிக் பாஸ் ஒரு குறும்படம் மட்டும் போட்டுவிடுங்க என்று ஒன்றுமே தெரியாதது போன்று பேசினார் அசீம். யார் எடுத்தீங்க, தயவு செய்து சொல்லுங்க என மணிகண்டன் கெஞ்ச, பிக் பாஸிடம் கேளு என்று நடித்தார் அசீம்.

திருட்டு

பூத்திருடன் யார் என்பது ஹவுஸ்மேட்ஸுக்கும் தெரியும். இதையடுத்து தான் சில பேர் வந்து குறும்படத்துக்காகவே எடுத்து வச்சிருப்பானுகடா என்றார் மைனா நந்தினி. அதன் பிறகே அசீம் நீ எடுத்தியாடா என மணிகண்டன் கேட்டார். சிரித்துக் கொண்டே ஆமாம்டா மச்சான் என்றார்.

தப்பு

பூவை எடுத்தது நான் தான். இது டாஸ்க் என்று கூறினார் அசீம். இது டாஸ்க் இல்ல. உன்னை உள்ளே தூங்க விட்டிருக்கக் கூடாது. உடம்பு சரியில்லை என்று தானே விட்டோம் என மணிகண்டன் கூற அசீம் வழக்கம் போன்று லெக்சர் கொடுக்க ஆரம்பித்தார். அதை பார்த்த மணிகண்டனோ சரி விட்டுடு என்று கூறி இடத்தை காலி செய்தார்.

டக்கா?

ப்ரொமோ வீடியோவை பார்த்தவர்கள் கூறியிருப்பதாவது, என்னைக்கு நடந்த விஷயத்திற்கு இன்று ப்ரொமோ வீடியோ வெளியிடுவது. இது தான் உங்க டக்கா பிக் பாஸ். அசீமை பேசவிட்டு ஹவுஸ்மேட்ஸ் வேடிக்கை பார்ப்பது தான் கன்டன்ட் போன்று. அசீமை மையமாக வைத்து வெளியாகியிருக்கும் 6வது ப்ரொமோ வீடியோ இது. அந்த ஆளை விட்டால் உங்களுக்கு வேறு ஆளே இல்லையா என கேள்வி எழுப்பியுள்ளனர்.

நியாயம்

உடம்பு சரியில்லை என்று டாஸ்கின்போது ஷெரினா தூங்கியது தவறு. ஆனால் உடம்பு சரியில்லை பாவம்னு உள்ளே தூங்கவிட்ட அசீம் பூக்களை திருடியது சரி. ஷெரினா செய்ததற்காக அவரே கேள்வி கேட்டு வீட்டை விட்டு வெளியேற்றினார்கள். ஆனால் அசீமை மட்டும் கொண்டாடுவதா என பிக் பாஸ் பார்வையாளர்கள் தெரிவித்துள்ளனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!