பிக்பாஸ் நிகழ்ச்சியில் பங்கேற்றுள்ள தனது மனைவி ரச்சிதா குறித்து உருக்கமான பதிவை ஷேர் செய்துள்ளார் அவரது கணவர் தினேஷ்.
பிக்பாஸ் சீசன் 6 நிகழ்ச்சியில் பங்கேற்றுள்ள போட்டியாளர்களில் ஒருவர் ரச்சிதா மகாலட்சுமி. கர்நாடகாவை பூர்விகமாக கொண்ட ரச்சிதா, திரைப்படங்கள் மற்றும் சீரியல்களில் நடித்து வருகிறார்.
விஜய் டிவியில் ஒளிபரப்பான சரவணன் மீனாட்சி சீரியல் மூலம் பிரபலமான ரச்சிதா, தொடர்ந்து பல சீரியல்களில் நடித்து வருகிறார். இதேபோல் தமிழ் மற்றும் கன்னட திரைப் படங்களிலும் நடித்து வருகிறார் ரச்சிதா மகாலட்சுமி.
சீரியல் நடிகர்
பிரிவோம் சந்திப்போம் சீரியலில் நடித்த மகாலட்சுமி, தன்னுடன் நடித்த சக நடிகரான தினேஷ் என்பவரை காதலித்து திருமணம் செய்து கொண்டார். இந்நிலையில் கருத்து வேறுபாடு காரணமாக இருவரும் கடந்த சில மாதங்களாக பிரிந்து வாழ்ந்து வருகின்றனர்.
இந்நிலையில் பிக்பாஸ் நிகழ்ச்சியில் பங்கேற்றுள்ள ரச்சிதாவுக்கு சக போட்டியாளரான ராபர்ட் மாஸ்டர் காதல் வலை வீசி வந்தார். ஆனால் ரச்சிதா எதிர்ப்பும் தெரிவிக்காமல், சம்மதமும் தெரிவிக்காமல் இருந்தார்.
மைனாவை சாடிய தினேஷ்
இதனால் ரச்சிதா கடும் விமர்சனத்துக்கு ஆளானார். ஆனாலும் ரச்சிதாவின் கணவர் சமூக வலைதள பக்கங்களில் அவருக்கு ஆதரவாகவே கருத்துக்களை பதிவிட்டு வந்தார்.
அந்த வகையில் ரச்சிதாவுடன் ராபர்ட் மாஸ்டர் மற்றும் மைனா ஆகியோர் இல்லாமல் இருந்தாலே ரச்சிதா ஃபைனல் வரை செல்வார் என்று கூறியிருந்தார். மேலும் வெளியில் இருந்து நிகழ்ச்சியை பார்த்துவிட்டு உள்ளே போன மைனா, ராபர்ட் மாஸ்டருடன் சேர்த்து ரச்சிதா குறித்து பேசுவது சரியில்லை என்றும் விளாசியிருந்தார்.
விசுவாசமற்ற நண்பர்கள்
ரச்சிதா வாழ்க்கையில் மைனா நந்தினி பிரச்சனை ஏற்படுத்தும் வகையிலேயே நடந்து கொள்கிறார் என்றும் கூறியிருந்தார். நல்ல தோழி இப்படி நடந்து கொள்ள மாட்டார் என்றும் கூறியிருந்தார். இந்நிலையில் நடிகர் தினேஷ் தனது சோஷியல் மீடியா பக்கத்தில் உருக்கமான பதிவு ஒன்றை ஷேர் செய்துள்ளார்.
அதில் அவர் கூறியிருப்பதாவது, இதுபோல் மேலும் பல இதயங்களை வென்றிடுங்கள். நீங்கள் விசுவாசமற்ற நண்பர்கள், தேவையற்றகளை எல்லாம் தவிர்த்து விட்டால் கடைசியில் வெற்றி பெறுவீர்கள். எல்லோரையும் போல உங்கள் வெற்றியை பார்க்க காத்திருக்கிறேன் என குறிப்பிட்டுள்ளார்.
மீண்டும் சேர்ந்துவிடுவார்
மேலும் Stand for Rachitha, My vote for Rachitha என்றும் பதிவிட்டுள்ளார் நடிகர் தினேஷ். தினேஷின் இந்த பதிவை பார்த்த நெட்டிசன்கள் இந்த பதிவையெல்லாம் பார்த்தால் ரச்சிதா மீண்டும் உங்களுடன் சேர்ந்து விடுவார் என கூறி வருகின்றனர்.
ரச்சிதாவுக்கு ரூட்டு விட்டு வந்த ராபர்ட் மாஸ்டரை பிக்பாஸ் வீட்டில் இருந்து வெளியேற்ற வேண்டும் என ரசிகர்கள் கோரிக்கை விடுத்து வந்தனர். கடந்த வாரம் நடைபெற்ற எவிக்ஷனுக்கான நாமினேஷன் ப்ராசஸில் ராபர்ட் மாஸ்டரை ரச்சிதாவே நாமினேட் செய்தார். இதையடுத்த கடந்த வாரம் பிக்பாஸ் வீட்டில் இருந்து ராபர்ட் மாஸ்டர் வெளியேறினார் என்பது குறிப்பிடத்தக்கது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
