பிக்பாஸ் வீட்டில் அசீம் திடீரென சரிந்து விழுந்த காட்சி வெளியாகி பரபரப்பை கிளப்பியுள்ளது.
பிக்பாஸ் நிகழ்ச்சியில் பங்கேற்றுள்ள போட்டியாளர்களில் ஒருவர் அசீம். விஜய் டிவி மற்றும் சன் டிவியில் ஒளிபரப்பான பல்வேறு சீரியல்களில் நடித்துள்ளார்.
சீரியல் நடிகர், சின்னத்திரை பிரபலம் என்ற முறையில் பிக்பாஸ் நிகழ்ச்சியில் பங்கேற்றுள்ள அசீம், பிக்பாஸ் வீட்டில் எப்போதும் ஹவுஸ்மேட்டுகளுடன் சண்டை போடுவதை வாடிக்கையாக கொண்டுள்ளார்.
டாஸ்க் என்றாலே அசீம் எப்படியும் சண்டை போட்டு விடுவார் என முன்கூட்டியே கணித்து விடுகின்றனர் நெட்டிசன்கள்.
அமுதவாணனை அடித்த அசீம்
இந்நிலையில் பிக்பாஸ் நிகழ்ச்சியில் ஏலியன்கள் மற்றும் பழங்குடி இன மக்கள் டாஸ்க்கின் போது அமுதவாணனை அடித்துள்ளார் அசீம். இதுதொடர்பான புரமோவில் அசீம் அடித்தது முழுவதுமாக காட்டப்படாத நிலையில் அவர் அடித்த வீடியோ காட்சிகளை நெட்டிசன்கள் வைரலாக்கி வருகின்றனர்.
மேலும் அசீம்மை ரெட்கார்டு கொடுத்து பிக்பாஸ் வீட்டில் இருந்து வெளியேற்ற வேண்டும் என்றும் கோரிக்கை விடுத்து வருகின்றனர்.
சரிந்து விழுந்த அசீம்
இந்நிலையில் அசீம் பிக்பாஸ் வீட்டில் நின்ற நிலையில் திடீரென சரிந்து விழுந்த வீடியோ வெளியாகியுள்ளது. அதாவது கார்டன் ஏரியாவில் அசீம்மும் கதிரும் அமர்ந்து பேசிக் கொண்டிருக்கின்றனர்.
அப்போது எழுந்து நிற்கும் அசீம் திடீரென அப்படியே மயங்கி குப்புற விழுகிறார். மூச்சு பேச்சில்லாமல் கிடக்கும் அசீம்மை எழுப்பியும் எந்த அசைவும் இல்லை. இதையடுத்து தண்ணீர் கொடுத்து அவரை மெடிக்கல் ரூம்முக்குள் தூக்கி செல்கின்றனர் சக ஹவுஸ்மேட்ஸ்.
எல்லாம் நடிப்பு
இதனை பார்த்த நெட்டிசன்கள் இந்த சம்பவம் நேற்று நடந்தது என்றும், அசீம்முக்கு பிபி 190 இருந்ததால் மயங்கி விழுந்தார் என்றும் கூறி வருகின்றனர். நார்மல் பிபி 180/110 இருக்க வேண்டும் . அசீம் மயங்கி விழுந்து, உடனே இயல்பு நிலைக்கு திரும்பியுள்ளார் என்றும் அவர் பொய்யாக நடித்துள்ளார் என்றும் கூறி வருகின்றனர்.
அசீம்முக்கு உண்மையாகவே மயக்கம் வந்துவிட்டதாக நம்பிய ஹவுஸ்மேட்டுகளிடம் அவர் அட்வான்டேஜ் எடுத்துக்கொண்டார் என்றும் அசீம் ரெட் காடுக்கு 100 சதவீதம் தகுதியானவர் என்றும் சமூக வலைதளங்களில் விளாசி வருகின்றனர்.
ரெட் கார்டு கொடுத்தே ஆக வேண்டும்
அதே நேரத்தில் சில நெட்டிசன்கள் என்ன நடந்தாலும் அசீம்மை இந்த வாரம் ரெட் கார்டு கொடுத்து வெளியேற்ற வேண்டும், அசீம் விஜய் டிவி ப்ராடெக்ட் என்பதால்தான் அவரை பிக்பாஸ் வீட்டில் வைத்துள்ளார்கள் என்றும் கூறி வருகின்றனர்.
மேலும் மகத் மற்றும் சரவணனுக்கு ரெட் கார்டு கொடுத்து வெளியே அனுப்பிய விஜய் டிவி அசீம்மை மட்டும் ஏன் இப்படி பாதுகாக்கிறது என்றும் கேள்வி எழுப்பி வருகின்றனர். ஏற்கனவே ஆயிஷா, விக்ரமன், தனலெட்சுமி, ஷிவின், அமுதவாணன், ஜனனி மற்றும் ஏடிகேவிடமும் அசீம் வம்பிழுத்தார். நேற்று அமுதவாணனிடம் ஹை பிச்சில் மல்லுக்கு நின்றப் பிறகு பிபி எகிறி மயங்கி விழுந்துள்ளார் அசீம்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
