அடிடா என்று… அமுதுவிடம் சண்டைக்கு பாய்ந்த அசீம்!

பிக் பாஸ் 6 வீட்டில் இருக்கும் அசீமும், அமுதவாணனும் ஆக்ரோஷமாக சண்டை போடும் ப்ரொமோ வீடியோ வெளியாகியிருக்கிறது.

பிக் பாஸ் 6 வீட்டில் இருப்பவர்கள் இந்த வாரம் முழுக்க கத்தி கத்தி சண்டை போடுவது என்கிற முடிவில் இருப்பது மட்டும் தெளிவாகத் தெரிகிறது.

பிக் பாஸ் 6 வீட்டில் உள்ளவர்களை ஏலியனாகவும், பழங்குடியின மக்களாகவும் மாற்றி டாஸ்க் கொடுத்தார்களும் கொடுத்தார்கள் தினமும் ஒரே சண்டை தான். சண்டை என்றால் சாதாரண சண்டை எல்லாம் இல்லை. கத்து கத்துனு கத்தி பார்வையாளர்களின் காதுகள் செவிடாகும்படி செய்கிறார்கள். இன்றாவது கொஞ்சம் அமைதியாக இருப்பார்கள் என்று எதிர்பார்க்கப்பட்டது. அது எப்படி இருப்பது என்று அசீமும், அமுதவாணனும் வாடா, வாடானு கத்தி கத்தி சண்டை போடும் ப்ரொமோ வீடியோ வெளியாகியிருக்கிறது.

சண்டை

கதிரவனுடன் அமுதவாணன் மோத அதை பார்த்த அசீம் ஓடி வந்து அவரை வம்பிழுத்தார். நீ எதுக்கு கேட்கிற என அமுதவாணன் சொல்ல, நான் அப்படித் தான் கேட்பேன்யா என அசீம் பதில் அளித்தார். வா, அடிச்சாடலாம் வானு அசீமை அமுதவாணன் உசுப்பேத்திவிட்டார். அடிச்சாடலாம் வா என்று சொன்னல என்னை அடி என்று அமுதவாணன் மீது கை வைத்தார் அசீம். அதில் கடுப்பான அமுதவாணனோ, கையை எடு என்றார்.

அசீம்

எதுக்கு என் மேல கைய வச்சனு அமுதவாணன் கேட்க, அதுக்கு பதில் சொல்லாமல் அடிச்சாடலாம்னு சொன்னல அடினு சொன்னதையே திருப்பித் திருப்பி அசீம் சொன்னார். அடிடா என்று அமுதவாணனிடம் மல்லுக்கு பாய்ந்தார் அசீம். பேச்சு பேச்சாவே இருக்கணும் அசீம் என்பது போன்று பேசியே சமாளித்தார் அமுதவாணன்.

ப்ரொமோ

ப்ரொமோ வீடியோவை பார்த்தவர்கள் கூறியிருப்பதாவது, இது தான் நேத்து நைட்டே நடந்துடுச்சே. அமுதவாணனிடம் மன்னிப்பு கேட்டு மயக்கம் போட்டு, மலர்களை திருடினாரே அசீம். அதுக்கு இப்போ ப்ரொமோ வீடியோ தேவையா?. அப்படி என்றால் மயக்கம் போட்டதற்கு அடுத்து ஒரு ப்ரொமோ வீடியோ வருமா?. அந்த அளவுக்கா ப்ரொமோ வீடியோவுக்கு கன்டன்ட் இல்லாமல் இருக்கீங்க பிக் பாஸ்?. அசீம் எஸ்கேப் ஆகும் தருணங்கள் எல்லாம் பயங்கரம் என தெரிவித்துள்ளனர்.

ரெட் கார்டு

அசீம் நடந்து கொண்டதை ஏற்கவே முடியாது. அவருக்கு ரெட் கார்டு கொடுக்க வேண்டும். அது என்ன அசீம் என்ன செய்தாலும் காப்பாற்றப்படுகிறார். அந்த தைரியத்தில் தான் அவர் இஷ்டத்திற்கு ஆடுகிறார். ஏலியன், பழங்குடியின மக்கள் டாஸ்க் மொக்கையாக இருக்கிறது என்று தெரியாமல் சொல்லிவிட்டோம். அதற்காக இப்படியா ஹவுஸ்மேட்ஸை கத்தவிட்டு எங்களின் காதுகளை பதம் பார்ப்பது பிக் பாஸ். இருந்தாலும் உங்களுக்கு இம்புட்டு கோபம் ஆகாது என பிக் பாஸ் பார்வையாளர்கள் கூறுகிறார்கள்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!