ஷிவின் அம்மாவை பற்றி தவறாக பேசி அழ வைத்த தனா!

பிக் பாஸ் 6 வீட்டில் டாஸ்க் என்கிற பெயரில் ஷிவின் கணேசனின் அம்மாவை பற்றி பேசி அவரை அழ வைத்திருக்கிறார் தனலட்சுமி.

பிக் பாஸ் டாஸ்க் மொக்கையாக இருக்கிறது என்று விமர்சனம் எழுந்த நிலையில் ஷிவின் அம்மாவை பற்றி பேசி அவரை அழ வைத்துள்ளார் தனலட்சுமி.

பிக் பாஸ் 6

பிக் பாஸ் 6 வீட்டில் இந்த வாரம் பழங்குடியின மக்கள், ஏலியன் டாஸ்க் கொடுக்கப்பட்டுள்ளது. ஒரு பிரிவு ஏலியனாகவும், மற்றொரு பிரிவு பழங்குடியின மக்களாகவும் இருக்கிறது. வீட்டையும் அதற்கு ஏற்றது போன்று மாற்றியிருக்கிறார்கள்.

இந்த டாஸ்க்கை பார்த்த பார்வையாளர்களோ மொக்கை மொக்கை கொடூர மொக்கை என்றார்கள். இந்நிலையில் தான் டாஸ்க்கை விறுவிறுப்பாக்குகிறேன் என்கிற பெயரில் தனலட்சுமியை விட்டு ஷிவினை அழ வைத்து வேடிக்கை பார்த்த ப்ரொமோ வீடியோ வெளியாகியுள்ளது.

ஷிவின்

ஷிவின் கணேசனின் அம்மாவை பற்றி தவறாக பேசியிருக்கிறார் தனலட்சுமி. அதை பார்த்த ஷிவின் கோபம் அடைந்து, ஏன் இப்படி செய்தாய் என்று கேட்க, சிரித்துக் கொண்டே டாஸ்க் ஷிவின் என்றார் தனலட்சுமி. டாஸ்க்குக்காக என்றாவது நான் உன்னை கேவலப்படுத்தியிருக்கிறேனா.

உனக்கு தெரியும் எனக்கு அம்மா எவ்வளவு டச் ஆகிற விஷயம்னு. தெரிந்தும் எப்படி நீ என்னை பார்த்து அப்படி கேட்கலாம். உனக்கு வேண்டுமானால் என் எமோஷன்ஸ் புரியாமல் இருக்கலாம். ஆனால் எனக்கு உன் எமோஷன்ஸ் புரியும் என்று கூறி அழுதார் ஷிவின். தனலட்சுமியோ ஜாலியாக சிரித்துக் கொண்டிருந்தார்.

தனலட்சுமி

ப்ரொமோ வீடியோவை பார்த்தவர்கள் கூறியிருப்பதாவது, டாஸ்க் என்கிற பெயரில் யாரையாவது அழ வைத்தே ஆக வேண்டுமா?. ஒரு திருநங்கையின் தாயை கேவலமாக பேசிய தனலட்சுமிக்கு ரெட் கார்டு கொடுக்க வேண்டும். இந்த தனா ரொம்ப மோசம்.

தனலட்சுமி போன்று ஒரு மோசமான கேரக்டரை பார்த்ததே இல்லை. டாஸ்க் என்கிற பெயரில் தனலட்சுமி எது வேண்டுமானாலும் பேசுவார். இது எதிர்பார்த்தது தான். தனலட்சுமி பேசுவதை எல்லாம் பெரிதாக எடுத்துக்கொள்ள வேண்டாம் ஷிவின் என தெரிவித்துள்ளனர்.

ஸ்கெட்ச்

பிக் பாஸ் எவிக்ஷனுக்கான நாமினேஷனில் தனலட்சுமியின் பெயர் உள்ளது. ஏ.டி.கே. தான் அவரை நாமினேட் செய்தார். இந்நிலையில் இன்றைய ப்ரொமோ வீடியோவை பார்த்தவர்களோ, ரைட்டு ஸ்கெட்ச் தனலட்சுமிக்கு தான்.

இந்த வாரம் கோட்டா குவின்ஸி காப்பாற்றப்படுவார். கோட்டா இது போன்று தரக்குறைவாக பேச மாட்டார் என்கிறார்கள். மேலும் சிலரோ, இதுக்கு பெயர் ஒரு டாஸ்க், ஏன் பிக் பாஸ் எங்களை இப்படி கொடுமை படுத்துகிறீர்கள்?.

அந்த கிரியேட்டிவ் டீமுக்கு முதலில் பிரஷர் கொடுங்கள், நல்லா யோசித்து சுவாரஸ்யமான டாஸ்க் கொடுக்கச் சொல்லுங்கள் என்கிறார்கள்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!