பிக்பாஸ் வீட்டில் அமுதவாணனின் வீடியோ ஒன்று வெளியாகி இணையத்தில் சர்ச்சைகளை கிளப்பியுள்ளது.
பிக்பாஸ் சீசன் 6 நிகழ்ச்சியில் ஜி.பி. முத்து, அசல் கோலார், ஷிவின் கணேசன், அஸீம், ராபர்ட் மாஸ்டர், ஆயிஷா, ஷெரினா, மணிகண்டன், ராஜேஷ், ரச்சிதா மகாலெட்சுமி, ராம் ராமசாமி, ஏடிகே, ஜனனி, சாந்தி, விக்ரமன், அமுதவாணன், மகேஷ்வரி சாணக்யன், விஜே கதிரவன், குயின்சி, நிவாஷினி, மைனா நந்தினி மற்றும் தனலெட்சுமி ஆகிய போட்டியாளர்கள் கலந்து கொண்டனர்.
இந்த சீசன் இரண்டு வாரம் கடந்த நிலையில் ரசிகர்கள் மத்தியில் அமோக வரவேற்பினை பெற்ற ஜிபி முத்து தனது குடும்பத்தினர் நியாபகமாக இருப்பதாக கூறி பிக்பாஸ் வீட்டை விட்டு அவராகவே வெளியேறினார். மெட்டி ஒலி சீரியல் நடிகை சாந்தி, அசல் கோலார், மகேஸ்வரி மற்றும் செரீனா ஆகியோர் பிக்பாஸ் வீட்டை விட்டு எலிமினேட் ஆகியுள்ளனர். கடந்த வாரம் நிவாஷினி வெளியேற்றப்பட்டுள்ளார்.
இந்நிலையில் இந்த வாரம் பிக்பாஸ் சீசன் 6 நிகழ்ச்சியில் முதல் ஓபன் நாமினேஷன் நடந்துள்ளது. அதன்படி இந்த வாரம் அசீம், அமுதவாணன், ராபர்ட், தனலெட்சுமி, கதிரவன், ராம், மணிகண்டா ஆகிய 7 பேர் நாமினேஷன் லிஸ்ட்டில் இடம் பிடித்துள்ளனர். தற்போது பிக்பாஸ் வீட்டில் கோர்ட் டாஸ்க் நடந்து வருகிறது.
இந்நிலையில் அமுதவாணன் தொடர்பான வீடியோ ஒன்று வெளியாகி இணையத்தில் சர்ச்சையை கிளப்பியுள்ளது. அதில், பிக்பாஸ் வீட்டில் உள்ள பாத்ரூம் வெளியே நிற்கும் அமுதவாணன், உள்ளே ஒருவர் குளிப்பதை பாத்ரூம் இடைவெளியில் எட்டிப்பார்க்கும் காட்சிகள் அந்த வீடியோவில் இடம்பெற்றுள்ளன.
அப்போது அமுதவாணன் மைக்கை மாட்டுங்க என பிக்பாஸ் குரல் ஒலித்ததும், அவர் அவசரமாக அந்த இடத்தை விட்டு நகர்வதும் வீடியோவில் தெரிகிறது.
சமூக வலைத்தளங்களில் இந்த வீடியோ வைரலாகி வரும் நிலையில் நெட்டிசன்கள் பலரும் அமுதவாணனை கடுமையாக விளாசி வருகின்றனர். ஆனால் அவர் பாத்ரூமில் இருந்த போட்டியாளர் ஒருவருடன் பேசி கொண்டிருந்ததாக கூறப்படுகிறது.
இருந்தாலும் பாத்ரூம் ஓட்டை வழியாக அமுதவாணன் எட்டி பார்த்ததால் பலரும் அவரை ரெட் கார்டு கொடுத்து அனுப்ப வேண்டும் என கடுமையாக கூறி வருகின்றனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
