சார்பட்டா பரம்பரை நடிகரான ஜான் கோக்கென் தான் அப்பாவாகும் தகவலை மனைவிக்கு லிப்லாக் கொடுத்து தெரிவித்துள்ளார்.
கேஜிஎஃப், பாகுபலி, வீரம் உள்ளிட்ட பல படங்களில் நடித்திருப்பவர் ஜான் கோக்கேன். மும்பையை பூர்விகமாக கொண்ட ஜான் கோக்கேன் தெலுங்கு படத்தின் மூலம் சினிமாவுக்கு அறிமுகமானார்.
சார்பட்டா பரம்பரை
தொடர்ந்து பல படங்களில் நடித்துள்ளார் ஜான் கோக்கேன். பா ரஞ்சித் இயக்கத்தில் வெளியான சார்பட்டா பரம்பரை படத்தில் வேம்புளி கதாப்பாத்திரத்தில் குத்துச்சண்டை வீரராக மிரட்டியிருந்தார் ஜான் கோக்கேன். அவரது நடிப்பை பலரும் பாராட்டி தள்ளினர்.
முதல் திருமணம்
அஜீத்தின் தீவிர ரசிகரான ஜான் கோக்கேன், துணிவு படத்திலும் நடித்து வருகிறார். ஜான் கோக்கேன் பிரபல நடிகையான மீரா வாசுதேவனை திருமணம் செய்தார். ஆனால் அவர்களுக்குள் ஏற்பட்ட கருத்து வேறுபாடு காரணமாக இருவரும் பிரிந்தனர்.
பூஜா ராமச்சந்திரன்
இதையடுத்து பிரபல தொலைக்காட்சி தொகுப்பாளரும் நடிகையுமான பூஜா ராமச்சந்திரனை இரண்டாவதாக திருமணம் செய்து கொண்டார். பூஜா ராமச்சந்திரனுக்கும் இது இரண்டாவது திருமணம் தான். இருவரும் படங்களில் பிஸியாக நடித்து வருகின்றனர்.
லிப்லாக்
அவ்வப்போது ஜோடியாக போட்டோ ஷூட் நடத்தி அவற்றை சமூக வலைதளங்களில் ஷேர் செய்து வருகின்றனர். இந்நிலையில் நடிகை பூஜா ராமச்சந்திரனும் ஜான் கோக்கேனும் லிப்லாக் கொடுத்துக் கொள்ளும் போட்டோவை ஷேர் செய்து குட் நியூஸ் கூறியுள்ளனர்.
பூஜா கர்ப்பம்
அதாவது ஜான் கோக்கேனின் மனைவியான நடிகை பூஜா ராமச்சந்திரன் கர்ப்பமாக உள்ளார். இதனை இருவருமே தங்களின் சமூக வலைதள பக்கத்தில் பதிவிட்டுள்ளனர்.
அதில் அவர்கள் குறிப்பிட்டிருப்பதாவது, ஒரு காதல் கதையின் சூறாவளி, அழியாத ஆத்மாக்கள், இதயம் நிறைந்த சிரிப்புகள், பைத்தியக்காரத்தனமான சண்டைகள், முடிவில்லாத உரையாடல்கள், காமம், காதல் மற்றும் சாகசங்கள், ஓ என்ன ஒரு சவாரி செய்தோம், இப்போது எங்கள் லிட்டில் அதிசயம் ஆன் தி வே என்று சொல்ல ஆவலாக இருக்கிறோம் என பதிவிட்டுள்ளனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
