சன்னி லியோன் நடிப்பில் உருவாகியுள்ள ‘ஓ மை கோஸ்ட்’ படத்தின் டிரெய்லர் வெளியாகி ரசிகர்கள் மத்தியில் நல்ல வரவேற்பை பெற்று வருகிறது.
அண்மையில் துவங்கிய பிக்பாஸ் சீசன் 6 நிகழ்ச்சியில் கலந்து கொண்ட போட்டியாளர்களில் ஜி.பி. முத்து சோஷியல் மீடியா ரசிகர்கள் மத்தியில் அமோக வரவேற்பை பெற்றவர். டிக்டாக் மூலம் பிரபலமான இவர் அதன் தடைக்கு பின்னர் யூடிப் பக்கம் கரை ஒதுங்கினார். சோஷியல் மீடியாவில் இவர் லெட்டர் படிக்கும் வீடியோக்கள் மிக பிரபலம். அதற்கென்றே தனியொரு ரசிகர்கள் பட்டாளமும் உள்ளது.
பிக்பாஸ் வீட்டுக்குள் நுழைந்த ஜிபி முத்து இரண்டாவது வாரத்திலே வீட்டின் தலைவரானார். இவரின் ஒவ்வொரு செயலும் சமூக வலைத்தளங்களில் பிரபலமாக பேசப்பட்டு வந்தது. இந்நிலையில் யாரும் எதிர்பார்க்காத வண்ணம் இரண்டே வாரத்தில் தனது குடும்பத்தினர் நியாபகமாக இருப்பதாக கூறி பிக்பாஸ் வீட்டை விட்டு வெளியே வந்தார் ஜிபி முத்து.
கடைசி வரை மற்ற போட்டியாளர்களுக்கு மிகப்பெரிய சவாலாக இருப்பார் என எதிர்பார்க்கப்பட்ட ஜிபி முத்து இரண்டே வாரத்தில் வெளியேறியது ரசிகர்கள் மத்தியில் அதிர்ச்சியை ஏற்படுத்தியுள்ளது. இந்நிலையில் ‘ஓ மை கோஸ்ட்’ டிரெய்லர் வெளியீட்டு விழாவில் கலந்து கொண்டு ஜிபி முத்து பேசியுள்ள வீடியோ இணையத்தில் வைரலாகி வருகிறது.
அதில், ”ரொம்ப சந்தோஷமா இருக்கு. இதுதான் என்னுடைய முதல் படம். இயக்குநரிடம் நடிக்க பயமா இருக்குனு சொன்னேன். கவலைபடாதீங்க. சொல்ற படி நடிங்கனு இயக்குநர் சொன்னார்.
சன்னி லியோன்னு சொன்னாங்க. அவங்க யாருனு அப்போது எனக்கு தெரியாது. நிறைய கமெண்ட்லாம் வரும். ஆனாலும் எனக்கு தெரியாது. இதுதான் சன்னிலியோன்னு சொல்லி சில படத்தையெல்லாம் காமிச்சான் என சொல்ல ரசிகர்கள் மத்தியில் கரகோஷம் எழுந்தது.
பிக்பாஸ் வீட்டிலிருந்து வந்த பிறகு ஜிபி முத்து இந்நிகழ்ச்சியில் கலந்து கொண்டுள்ளது ரசிகர்கள் கொண்டாட்டத்தை ஏற்படுத்தியுள்ளது. ‘ஓ மை கோஸ்ட்’ படத்தில் தர்ஷா குப்தா, யோகி பாபு, மொட்டை ராஜேந்திரன், யோகி பாபு, ஜி.பி.முத்து என பல நட்சத்திரங்கள் நடித்துள்ளனர். படத்தில் முக்கிய கதாபாத்திரத்தில் சன்னி லியோனும் நடித்துள்ளார். இந்தப்படத்தின் டிரெய்லர் தற்போது ரசிகர்கள் மத்தியில் அமோக வரவேற்பை பெற்று வருகிறது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
