பிக்பாஸ் நிகழ்ச்சியின் இன்றைய மூன்றாவது ப்ரமோவை பார்த்த நெட்டிசன்கள் அசீமை திட்டி தீர்த்து வருகின்றனர்.
பிக்பாஸ் நிகழ்ச்சியில் இந்த வாரம் லக்ஸரி பட்ஜெட் டாஸ்க்காக பொம்மை டாஸ்க் கொடுக்கப்பட்டுள்ளது. இதில் ஒவ்வொரு போட்டியாளரும் சக போட்டியாளர்களின் பெயர் பதியப்பட்ட பொம்மையை கொண்டு சென்று அதற்காக அமைக்கப்பட்டுள்ள கூடாரத்தின் ரேக்கில் வைக்க வேண்டும்.
சண்டைகள்
இதில் கடைசியாக யாருடைய பொம்மை வைக்கப்படுகிறதோ அந்த போட்டியாளர் அந்த டாஸ்க்கில் இருந்து வெளியேற்றப்பட்டு நேரடி நாமினேஷனுக்கு தகுதி பெறுவார். அந்த வகையில் நேற்று தொடங்கியதில் இருந்தே சண்டைகளுக்கும் சச்சரவுகளுக்கும் பஞ்சமில்லாமல் செல்கிறது.
ரணகளம்
இந்நிலையில் இன்று வெளியான ப்ரமோக்களிலும் பொம்மை டாஸ்க் ரணகளமாக இருப்பது தெரியவந்துள்ளது. ஒருவரையொருவர் பிடித்து கீழே தள்ளுவது, மாறி மாறி குற்றம்சாட்டுவது என இருந்து வருகின்றனர். இதனால் இன்றைய எபிசோடும் சூடு பறக்கும் என எதிர்பார்க்கப்பட்ட நிலையில் ஆயிஷாவை வைத்து கேம் ஆடுகிறார் அசீம்.
ரச்சிதாவின் பொம்மை
ஆயிஷாவிடம் ரச்சிதாவின் பொம்மையை எடுக்குமாறு கூறி அவரை வெளியேற்ற திட்டமிடுகிறார். அசீமின் பேச்சைக்கேட்டு ஆயிஷாவும் ரச்சிதாவின் பொம்மையை எடுத்து அவர் சொன்னப்படியே செய்கிறார். ஆனால் இதனை கண்டுபிடித்துவிடும் ரச்சிதா, மற்றவர்களிடம் அசீம் செய்த காரியம் குறித்து கூறி புலம்புகிறார்.
திட்டும் நெட்டிசன்ஸ்
அசீமின் கேம்மை பார்த்த நெட்டிசன்கள் அவரை திட்டி தீர்த்து வருகின்றனர். எந்த டாஸ்க்காக இருந்தாலும் அதில் சண்டையை மூட்டி விடுவது, சக போட்டியாளர்களை தரக்குறைவாக பேசுவது என கேவலமாக விளையாடுகிறார் என சாடி வருகின்றனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
