பிக்பாஸ் நிகழ்ச்சியில் பங்கேற்றுள்ள சீரியல் நடிகர் அசீம், சக பெண் போட்டியாளரிடம் அத்துமீறி பேசும் வீடியோ வெளியாகியுள்ளது.
பிக்பாஸ் சீசன் 6 நிகழ்ச்சியில் சண்டைகளுக்கு எந்த அளவுக்கு பஞ்சம் இல்லையோ அந்த அளவுக்கு ரொமான்ஸுக்கும் பஞ்சமில்லை. பிக்பாஸ் சீசன் 6 நிகழ்ச்சியில் பங்கேற்றுள்ள ஒவ்வொரு போட்டியாளரும் ஒரு ரகமாக உள்ளனர்.அசல் கோளாறு பெண் போட்டியாளர்களை தடவுவதையே வேலையாக வைத்துள்ளார். ராபர்ட் மாஸ்டர், ரச்சிதாவுக்கு ரூட்டு விட்டு வருகிறார்.
பட்டியலில் அசீம்
இந்நிலையில் அந்த பட்டியலில் இணைந்துள்ளார் சீரியல் நடிகரான அசீம். சக போட்டியாளர்களை கொஞ்சம் கூட மரியாதை இல்லாமல் பேசி வரும் அசீம், நெட்டிசன்களின் அதிருப்தியை சம்பாதித்து வருகிறார். பேசுவதையெல்லாம் பேசிவிட்டு இட்ஸ் ஜஸ்ட்ட கேம் என கூறி மழுப்பி விடுகிறார். கடந்த வாரம் ஆயிஷா மற்றும் விக்ரமனிடம் அவர் நடந்து கொண்ட விதம் ரசிகர்களை கடுப்பேற்றியது.
அசீம் வீடியோ
நேற்றைய எபிசோடிலும் நேரத்திற்கு தகுந்தது போல் பேசி மற்றவர்களை குறை கூறினார். இந்நிலையில் பிக்பாஸ் வீட்டில் அசீம் பேசிய வீடியோ ஒன்று வெளியாகியுள்ளது. அதில் லிவிங் ஏரியாவில் அசீம், அமுதவாணன், தனலெட்சுமி, நிவா ஆகியோர் அமர்ந்து எதையோ சாப்பிட்டுக் கொண்டிருக்கின்றனர்.
எனக்கு நீ ஊட்டி விடணும்
அப்போது அங்குவரும் குயின்ஸி, சாப்ட்டியா என அசீமிடம் கேட்டுவிட்டு தான் எடுத்து சாப்பிடுகிறார். இதை பார்த்த அசீம் ஒரு பாய்ஃபிரண்ட் உட்காந்திருக்கிறேன்… எனக்கு ஊட்டிவிடாமல் நீ எடுத்து சாப்பிடலாமா? ஒரு கேர்ள் ஃபிரண்டாக நீ எனக்கு ஊட்டி விட்டிருக்க வேண்டும் அல்லவா என வாய்க்கு வந்ததையெல்லாம் பேசுகிறார்.
திட்டும் நெட்டிசன்ஸ்
ஆனால் குயின்ஸி எந்த ரியாக்ஷனும் கொடுக்காமல் தனது வேலையை பார்த்துக்கொண்டிருக்கிறார். இந்த வீடியோவை பார்த்த நெட்டிசன்கள் அசீமை கன்னாபின்னாவென திட்டி தீர்க்கின்றனர். ஏற்கனவே விவாகரத்தான அசீம், சீரியல் நடிகையான ஷிவானி நாராயணனை காதலித்ததாக தகவல் பரவியது குறிப்பிடத்தக்கது.News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
