பிக்பாஸ் வீட்டுக்குள் மன அழுத்தத்தில் இருக்கும் ஜிபி முத்துவை Confession ரூமிற்கு அழைத்து பேசியுள்ளார் பிக்பாஸ்.
அண்மையில் துவங்கிய பிக்பாஸ் சீசன் 6 நிகழ்ச்சியில் ஜி.பி. முத்து, அசல் கொலார், ஷிவின் கணேசன், அஸீம், ராபர்ட் மாஸ்டர், ஆயிஷா, ஷெரினா, மணிகண்டன், ராஜேஷ், ரச்சிதா மகாலெட்சுமி, ராம் ராமசாமி, ஏடிகே, ஜனனி, சாந்தி, விக்ரமன், அமுதவாணன், மகேஷ்வரி சாணக்யன், விஜே கதிரவன், குயின்சி, நிவ்வா மற்றும் தனலெட்சுமி ஆகிய 20 போட்டியாளர்கள் கலந்து கொண்டுள்ளனர். மைனா நந்தினி வைல்ட் கார்ட் எண்ட்ரியாக பிக்பாஸ் வீட்டுக்குள் நுழைந்துள்ளார்.
கமலால் பிக்பாஸ் வீட்டுக்குள் அனுப்பி வைக்கப்பட்டுள்ள போட்டியாளர்களில் ஜி.பி. முத்து சோஷியல் மீடியா ரசிகர்கள் மத்தியில் பிரபலமானவராக உள்ளார். டிக்டாக் மூலம் பிரபலமான இவர் அதன் தடைக்கு பின்னர் யூடிப் பக்கம் கரை ஒதுங்கினார். சோஷியல் மீடியாவில் இவர் லெட்டர் படிக்கும் வீடியோக்கள் மிக பிரபலம். அதற்கென்றே தனியொரு ரசிகர்கள் பட்டாளமும் உள்ளது.
தற்போது பிக்பாஸ் வீட்டுக்குள் நுழைந்துள்ள ஜிபி முத்து இரண்டாவது வாரத்தில் வீட்டின் தலைவராகியுள்ளார். இந்நிலையில் கடந்த சில நாட்களாகவே டல்லாக இருந்த ஜிபி முத்து, தற்போது தன்னால் முடியவில்லை என்றும், ஒரு மாதிரியாக இருப்பதாகவும் கேமரா முன் பேசியுள்ளது ரசிகர்கள் மத்தியில் அதிர்ச்சியை ஏற்படுத்தியுள்ளது. மேலும் தன்னுடைய தம்பிகள் ஆனந்த், மணியிடம் பேச வேண்டுமென கூறியுள்ளார்.
இதனால் ஜிபி முத்து பிக்பாஸ் வீட்டை விட்டு வெளியேற முடிவு செய்துள்ளதாக இணையத்தில் செய்திகள் பரவி வருகிறது. இந்நிலையில் ஜிபி முத்துவை Confession Room-க்கு பிக்பாஸ் அழைத்து பேசிய பிக்பாஸ், “வீட்டில் இருந்து செய்தி கேட்டிட்டு தான் கூப்பிட்டேன். விஷ்ணு நல்லா இருக்கறதா தெரியப்படுத்தி இருக்காங்க. விஷ்ணு உட்பட வீட்ல இருக்குற எல்லாருமே அப்பாவ எப்படியாச்சும் 100 நாள் வீட்டுல வச்சுக்கங்கன்னு சொல்லி இருக்காங்க” என கூறினார்.
இதற்கு பதிலளித்த ஜிபி முத்து, “ஆனா எனக்கு இருக்க முடியல. ஒரு மாதிரி மூச்சு முட்டுது எனக்கு” என்றார். பின்னர் பேசும் பிக்பாஸ், “இத்தனை நாட்கள் நீங்கள் நன்றாக விளையாடி கொண்டிருக்கிறீர்கள். முதல் தலைவர் என்ற பதவியையும் 2 மணி நேரம் கஷ்டப்பட்டு ஜெயிச்சு வாங்கி இருக்கீங்க. இந்த முத்து தான் எனக்கு தெரிஞ்ச முத்து. வெளிய இருக்குறவங்க உங்கள பாத்து பல விஷயங்களை கத்துக்குறாங்க என அறிவுரை வழங்கியுள்ளார். இதனையடுத்து ஜிபி முத்து என்ன முடிவு எடுக்க போகிறார் என்பதை ரசிகர்கள் எதிர்பார்த்து காத்திருக்கின்றனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
