டான்ஸ் மாஸ்டர் ராபர்ட் ரச்சிதாவை பார்த்து ஜொள்ளு விடுவதை நெட்டிசன்கள் பங்கம் செய்து வருகின்றனர்.
20 போட்டியாளர்கள்
பிக்பாஸ் சீசன் 6 நிகழ்ச்சி கடந்த ஞாயிற்றுக் கிழமை முதல் தொடங்கி ஒளிபரப்பாகி வருகிறது. இதில் 20 பேர் போட்டியாளர்களாக பங்கேற்றுள்ளனர். முதல் வாரத்திலேயே சுவாரசியமான டாஸ்க்குகளை கொடுத்து பட்டையை கிளப்பி வருகிறார் பிக்பாஸ்.
இளசுகள் அதிகம்
அதோடு போட்டியாளர்களும் தங்களின் இருப்பை பதிவு செய்யும் முயற்சியில் இறங்கியுள்ளதால் ஏதாவது ஒரு பிரச்சனையை கிளப்பி வருகின்றனர். சாதாரண விஷயத்தைக் கூட பெரிதுப்படுத்தி கண்ணை கசக்கி வருகின்றனர். இந்த சீசனில் இளசுகள் அதிகம் இருப்பதால் கடந்த சீசன்களை போல காதல் செக்மெண்டும் இருக்கும் என எதிர்பார்க்கப்படுகிறது.
வழியும் ராபர்ட்
இந்நிலையில் டான்ஸ் மாஸ்டர் ராபர்ட், சீரியல் நடிகையான ரச்சிதாவை பார்த்து ஜொள்ளுவிடுவதை கலாய்த்த வருகின்றனர் நெட்டிசன்கள். முதல் நாளே தனக்கு கேர்ள் ஃபிரண்ட்ஸ் இல்லை என வருத்தப்பட்டார் ராபர்ட் மாஸ்டர். இந்நிலையில் நேற்றைய எபிசோடில் ஸ்லீவ்லெஸ் ஜாக்கெட் மற்றும் சேலை அணிந்திருந்தார் ரச்சிதா.
பார்த்ததும் பிடிச்சுருச்சி
அவரை பார்த்ததும் செம்மத அழகு என்று வாய்யை பிளந்த டான்ஸ் மாஸ்டர் ராபர்ட் சக ஹவுஸ்மேட்ஸிடமும் ரச்சிதாவை பற்றி புகழ்ந்து பேசினார். தான் முதலில் சீரியல் ஒன்றை பார்த்ததாகவும் அதில் ரச்சிதா மகாலட்சுமியை பார்த்ததும் தனக்கு பிடித்துவிட்டதாகவும் தெரிவித்தார்.
அதுதான் க்ரஷ்
ஆனால் அதற்கு பெயர் தெரியவில்லை என்று கூறினார் ராபர்ட். இதையடுத்து அதற்கு பெயர்தான் க்ரஷ் என விளக்கம் கொடுத்து தெளிவுபடுத்தினர் ஹவுஸ்மேட்ஸ். ஆக்டிவிட்டி ஏரியாவிலும் ரச்சிதாவை வச்ச கண் வாங்காமல் பார்த்தார் ராபர்ட் மாஸ்டர். ராபர்ட் மாஸ்டர் இப்படி அப்பட்டமாக ஜொள்ளுவிடுவதை பார்த்த நெட்டிசன்கள் அவரை மரண பங்கம் செய்து வருகின்றனர்.
வனிதாவுடன் லிவ் இன்
ஏற்கனவே திருமணமான டான்ஸ் மாஸ்டர் ராபர்ட், நடிகை வனிதா விஜயகுமாருடன் லிவ் இன் ரிலேஷன்ஷிப்பில் இருந்து வந்தார். ராபர்ட் மாஸ்டர் இயக்கிய முதல் படத்தை வனிதா விஜயகுமார்தான் தயாரித்தார். வனிதாவின் பெயரை தனது கையில் பச்சை குத்தியிருந்தார் ராபர்ட் மாஸ்டர் என்பது குறிப்பிடத்தக்கது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
