இன்று பிறந்தநாள் கொண்டாடும் நடிகர் சத்யராஜுக்கு அவரின் செல்ல மகள் திவ்யா சமூக வலைதளத்தில் வித்தியாசமாக தெரிவித்திருக்கும் வாழ்த்து பலரின் கவனத்தையும் ஈர்த்துள்ளது.
வில்லன், ஹீரோ, பாசமான அப்பா என்று எந்த கதாபாத்திரம் கொடுத்தாலும் அசத்தும் சத்யராஜுக்கு இன்று பிறந்தநாள். இதையொட்டி திரையுலக பிரபலங்கள், ரசிகர்கள் என்று பலரும் சமூக வலைதளங்களில் வாழ்த்து தெரிவித்து வருகிறார்கள்.
இந்நிலையில் சத்யராஜுக்கு வாழ்த்து தெரிவித்துள்ளார் அவரின் மகள் திவ்யா. பிரபல ஊட்டச்சத்து நிபுணரான திவ்யா தன் தந்தையின் புகைப்படங்களை இன்ஸ்டாகிராமில் வெளியிட்டு கூறியிருப்பதாவது,
உங்களை போன்ற ஒரு குழந்தை கிடைக்க நான் கொடுத்து வைத்திருக்க வேண்டும். நான் ஒரு பெர்ஃபெக்ட் அம்மாவா என்பது தெரியவில்லை. ஆனால் நீங்கள் ஒரு சூப்பர் பெர்ஃபெக்ட் மகன். உங்களை நினைத்து திவுமா பெருமைப்படுகிறார்.
சத்யராஜ் என்பது வெறும் பெயர் அல்ல… அது உழைக்கும் தமிழனின் அடையாளக் குரல்!. என் கட்டப்பா இருக்கும்போது யாருக்கு சூப்பர் ஹீரோக்கள் வேண்டும்? ஹேப்பி பர்த்டே தலைவா! எல்லா புகழும் என் தங்க மகனுக்கே என தெரிவித்துள்ளார்.
திவ்யாவின் போஸ்ட்டை பார்த்தவர்கள் கூறியிருப்பதாவது,
அப்பாவுக்கு இதை விட க்யூட்டாக வாழ்த்து சொல்ல முடியாது. சத்யராஜ் படங்களில் மட்டும் அல்ல நிஜத்திலும் கூலான அப்பா என்பது இந்த போஸ்ட்டை பார்க்கும்போதே தெரிகிறது.
தந்தையை மகனாக பார்க்கும் மகள். அருமை என தெரிவித்துள்ளனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
