பிகில் பட நடிகை காயத்ரி ரெட்டி தனது திருமண புகைப்படங்களை சமூக வலைத்தள பக்கங்களில் பகிர்ந்துள்ளார்.
அட்லி, விஜய் காம்போவில் வெளியாகி ரசிகர்கள் மத்தியில் அமோக வரவேற்பினை பெற்ற படம் ‘பிகில்’. பெண்கள் கால்பந்து விளையாட்டை மையமாக வைத்து வெளியான இந்தப்படத்தின் மூலம் பல நாயகிகள் சினிமாவில் அறிமுகமானவர். அப்படி ‘பிகில்’ படம் மூலம் சினிமாவில் அறிமுகமான காயத்ரி ரெட்டிக்கு திருமணம் நடந்து முடிந்துள்ளது.
தெறி, மெர்சல் படங்களைத் தொடர்ந்து ‘பிகில்’ படத்தின் மூலம் மூன்றாவது முறையாக விஜய் மற்றும் அட்லி இணைந்து பணியாற்றி இருந்தார்கள். பெண்கள் கால்பந்தாட்ட விளையாட்டை மையமாக வைத்து வெளியான இப்படம் வசூல் மற்றும் விமர்சனரீதியாக ரசிகர்கள் மத்தியில் அமோக வரவேற்பினை பெற்று வருகிறது.
இந்தப்படத்தின் மூலம் சினிமாவில் அறிமுகமானவர் காயத்ரி ரெட்டி. பல்வேறு விளம்பர படங்களில் நடித்துள்ள இவர், கடந்த 2010ஆம் ஆண்டு இந்தியாவில் நடைபெற்ற அழகிப் போட்டியில் முதல் 10 அழகிகளின் இடத்தை பிடித்து இருந்தார். இதனையடுத்து, ஜீ தமிழ் தொலைக்காட்சியில் ஒளிபரப்பான சர்வைவர் ரியாலிட்டி ஷோவிலும் கலந்து கொண்டார் காயத்ரி.
இவருக்கு கடந்த மே மாதம் வீட்டில் எளிமையாக முறையில் நிச்சயதார்த்தம் நடைபெற்ற நிலையில், தற்போது பெற்றோரின் ஆசிர்வாதத்துடன் திருமணம் நடந்து முடிந்துள்ளது. திருமண போட்டோவை காயத்ரி தனது சமூக வலைத்தள பக்கங்களில் பகிர்ந்துள்ளார். இதனையடுத்து ரசிகர்கள் பலரும் அவருக்கு வாழ்த்து தெரிவித்து வருகின்றனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
