பிரபல சீரியல் நடிகரை நடிகர் ராஜ்கிரணின் மகள் காதலித்து திருமணம் செய்து கொண்டுள்ளதாக தகவல்கள் வெளியாகியுள்ளன.
‘நாதஸ்வரம்’ சீரியல் மூலம் பிரபலமான நடிகரை முகப்புத்தகம் மூலம் காதலித்து திருமணம் செய்து கொண்டுள்ளார் பிரபல நடிகர் ராஜ்கிரண் மகள் ஜீனத். இவர்களின் திருமணம் குறித்த புகைப்படங்கள் இணையத்தில் வெளியாகி வைரலாகி வருகின்றன.
சன் டிவியில் ஒளிபரப்பான சூப்பர் ஹிட் சீரியல்களில் ஒன்று ‘நாதஸ்வரம்’. திருமுருகன் இயக்கிய இந்த சீரியலில் சம்மந்தம் என்கிற காமெடி ரோலில், உடல் மொழியாலும் நடித்து மிகவும் பிரபலமானவர் முனீஸ் ராஜா. நடிகர் சண்முகராஜனின் உடன் பிறந்த தம்பி இவர். ‘நாதஸ்வரம்’ தொடரில் இவரின் ஸ்டைலான நடைக்கே தனி ரசிகர்கள் பட்டாளம் உள்ளது.
அந்தத் தொடருக்குப் பிறகு ஜீ தமிழ் சேனலில் ‘முள்ளும் மலரும்’ என்கிற தொடரில் ஹீரோவாக நடித்தார். பிறகு சினிமாவுக்கு வந்து சில படங்களிலும் நடித்தார். கடந்த சட்டசபைத் தேர்தலில் பழனி தொகுதியில் சுயேச்சை உறுப்பினராகப் போட்டியிட்டுத் தோல்வியடைந்தார். இந்நிலையில் இவரும், ராஜ்கிரண் மகள் காதலித்து திருமணம் செய்து கொண்டுள்ளதாக தகவல்கள் வெளியாகியுள்ளன.
முகப்புத்தகம் வாயிலாக பழக்கமான ராஜ்கிரணின் மகள் ஜீனத் பிரியாவுக்கும் முனீஸ்ராஜாவுக்கும் இடையில் காதல் மலர்ந்து இருவரும் காதலித்து வந்துள்ளனர். ஆரம்பத்தில் இரண்டு பேர் வீட்டிலும் சில காரணங்களால் இந்தக் காதலை ஏற்கவில்லை. ஆனால் தொடர்ந்து இரு தரப்பிலும் சிலர் சமரசப் பேச்சு வார்த்தையில் ஈடுபட்டதில் முனீஸ்ராஜாவின் வீட்டில் இவர்களின் திருமணத்தை ஏற்றுக் கொண்டுள்ளனர்.
அதே நேரம் ஜீனத் வீட்டில் ராஜ்கிரண் மகளின் முடிவுக்கு சம்மதம் தெரிவித்துள்ளார். ஆனால் ஜீனத்தின் அம்மா மட்டும் இன்னமும் சம்மதிக்கவில்லை என்று கூறப்படுகிறது. இதனையடுத்து முனிஷ் ராஜா – ஜீனத் தம்பதிக்கு பலரும் தங்களது வாழ்த்துக்களை தெரிவித்து வருகின்றனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
