சூர்யாவின் சூரரைப் போற்று படத்தின் ஒளிப்பதிவாளர் நிகேத் பொம்மிரெட்டிக்கும், நடிகை மெர்சி ஜானுக்கும் திருமணம் நடைபெற்றது.
சுதா கொங்கரா இயக்கத்தில் சூர்யா நடிப்பில் வெளியான சூரரைப் போற்று படத்தின் ஒளிப்பதிவாளர் நிகேத் பொம்மிரெட்டி நடிகை மெர்சி ஜானை பல காலமாக காதலித்து வந்தார்.
இந்நிலையில் அவர்களின் திருமணம் ஆகஸ்ட் 20ம் தேதி சென்னையில் நடந்தது.
அந்த திருமண நிகழ்ச்சியில் இரு வீட்டாரும், நெருங்கிய நண்பர்களும் கலந்து கொண்டு மணமக்களை வாழ்த்தினார்கள். மெர்சி ஜான் நடிகை மட்டும் அல்ல பிரபல டப்பிங் ஆர்டிஸ்ட்டும் கூட. அமேசான் பிரைமில் வெளியாகியுள்ள மாடர்ன் லவ் தொடரில் நடித்துள்ளார் மெர்சி.
திருமணத்தின்போது எடுத்த புகைப்படத்தை சமூக வலைதளத்தில் வெளியிட்டு மெர்சி ஜான் கூறியிருப்பதாவது,
சந்தோஷத்தை விவரிக்கச் சொன்னால் அது இந்த புகைப்படம் தான். நான் கடந்த 12 ஆண்டுகளாக தனியாக வசித்து வந்ததால் வீடு என்பது எனக்கு வித்தியாசமானது. இந்த புகைப்படம் தான் என் வீடு.
எனக்கு பிடித்த அனைவரும் ஒரே இடத்தில் இருக்கிறார்கள். எங்களை, எங்களின் காதலை கொண்டாடுகிறார்கள். இதை விட வேறு எதுவும் சிறப்பானதாக இருக்க முடியாது. திருமணத்திற்கு வந்த அனைவருக்கும் நன்றி.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
