சந்திரமுகி படத்தில் குட்டிப் பாப்பாவாக நடித்த பிரகர்ஷிதாவின் லேட்டஸ்ட் போட்டோ இணையத்தை திணறடித்து வருகிறது.
ரஜினிகாந்த் நடிப்பில் கடந்த 2005ஆம் ஆண்டு வெளியான படம் சந்திரமுகி. இந்தப்படத்தில் ரஜினிகாந்துடன் ஜோதிகா, பிரபு, நாசர், நயன்தாரா, வடிவேலு உள்ளிட்ட பலர் நடித்தனர். இந்தப் படம் பிளாக் பஸ்டர் ஹிட்டானதை தொடர்ந்து இதன் இரண்டாம் பாகம் தொடங்கப்பட்டுள்ளது.
இந்நிலையில் சந்திமுகி படத்தில் ரஜினிகாந்துடன் பொம்மி என்ற கதாப்பாத்திரத்தில் குட்டி பாப்பாவாக நடித்த பிரகர்ஷிதாவின் தற்போதைய போட்டோ வைரலாகி வருகிறது. அந்த போட்டோவில் கையில் குழந்தையுடன் உள்ளார் பிரகர்ஷிதா.
ஸ்ரீனிவாசன் என்பவரை திருமணம் செய்த பிரகர்ஷிதாவுக்கு ஒரு பெண் குழந்தை உள்ளது. தனது மகளுடன் இருக்கும் போட்டோவை இன்ஸ்டாகிராம் பக்கத்தில் ஷேர் செய்துள்ளார் பிரகர்ஷிதா.
பிரகர்ஷிதாவின் போட்டோவை பார்த்த நெட்டிசன்கள், உங்களை இப்போதுதான் பாப்பாவாக பார்த்தது போல் உள்ளது. அதற்குள் உங்களுக்கு ஒரு பாப்பாவா என கேட்டு வருகின்றனர். பிரகர்ஷிதா, வேலன், ராஜ ராஜேஸ்வரி போன்ற சீரியல்களிலும் நடித்துள்ளார் என்பது குறிப்பிடத்தக்கது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
