பிரதாப் போத்தன் உயிரிழந்த நிலையில் அவரது மகளின் போட்டோ வைரலாகி வருகிறது.
தமிழ், தெலுங்கு, மலையாளம் மற்றும் இந்தி சினிமாவில் பிரபல நடிகராகவும் இயக்குநராகவும் வலம் வந்தவர் நடிகர் பிரதாப் போத்தன். கேரளாவை பூர்விகமாக கொண்ட பிரதாப் போத்தன், தமிழ் சினிமாவில் அதிக படங்களில் நடித்துள்ளதோடு இயக்கியும் உள்ளார்.
மரணம்
இந்நிலையில் நேற்று காலை சென்னை கீழ்ப்பாக்கத்தில் உள்ள அப்பார்ட்மெண்டில் தனியாக வசித்து வந்த பிரதாப் போத்தன், நேற்று காலமானார். தூக்கத்திலேயே அவர் உயிர் பிரிந்ததாக கூறப்படுகிறது. அவரது மறைவுக்கு சினிமா பிரபலங்கள் பலரும் இரங்கல் தெரிவித்து வருகின்றனர்.
இரண்டாவது திருமணம்
இந்நிலையில் பிரதாப் போத்தனின் மகள் போட்டோ வைரலாகி வருகிறது. நடிகர் பிரதாப் போத்தன் 1985ஆம் ஆண்டு நடிகை ராதிகாவை காதலித்து திருமணம் செய்தார். ஆனால் ஓராண்டிலேயே அவர்களின் திருமணம் விவாகரத்தில் முடிந்தது. இதையடுத்து அமலா சத்யநாத் என்பவரை திருமணம் செய்தார்.
கெயா போத்தன்
இவர்களுக்கு கெயா போத்தன் என்ற மகள் உள்ள நிலையில் கடந்த 2012ஆம் ஆண்டு அமலாவையும் விவாகரத்து செய்தார் பிரதாப் போத்தன். பிரதாப் போத்தனின் மகளான கெயா போத்தன் சினிமாத்துறையில்தான் உள்ளார். பெங்களூரில் செட்டில் ஆகிவிட்ட கெயா இசைத்துறையில் உள்ளார்.
இசைக்குழு
இவர் பல பாடல்களை எழுதி பாடியுள்ளதோடு ஒரு இசைக்குழுவையும் நடத்தி வருகிறார். சமூக வலைதளங்களில் தனது தந்தையுடன் இருக்கும் போட்டோக்கள் மற்றும் வீடியோக்களை ஷேர் செய்துள்ளார் கெயா போத்தன். தற்போது அந்த போட்டோக்களும் வீடியோக்களும் வைரலாகி வருகிறது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
