இன்று மீனா, வித்யாசாகரின் திருமண நாள் ஆகும். இதையடுத்து மீனாவுக்கு ரசிகர்கள் ஆறுதல் கூறி வருகிறார்கள்.
நடிகை மீனாவுக்கும், பெங்களூரை சேர்ந்த சாப்ட்வேர் என்ஜினியரான வித்யாசாகருக்கும் கடந்த 2009ம் ஆண்டு ஜூலை மாதம் 12ம் தேதி திருமணம் நடந்தது. அவர்களுக்கு நைனிகா என்கிற மகள் இருக்கிறார்.
நுரையீரல் பிரச்சனையால் அவதிப்பட்டு வந்த வித்யாசாகர் ஜூன் 28ம் தேதி சிகிச்சை பலனின்றி உயிரிழந்தார். 48 வயதில் வித்யாசாகர் இறந்தது குறித்து அறிந்த திரையுலக பிரபலங்களும், ரசிகர்களும் அதிர்ச்சி அடைந்தார்கள்.
அப்பா இல்லாமல் வளரும் கொடுமையை நைனிகா அனுபவிக்க வேண்டுமே என்று பலரும் வருத்தப்பட்டார்கள். இந்நிலையில் இன்று மீனா, வித்யாசாகரின் 13வது திருமண நாளாகும்.
இதையடுத்து மீனாவுக்கு பலரும் ஆறுதல் கூறி வருகிறார்கள். கடந்த திருமண நாளுக்கு கணவரை வானவில் என்று பாராட்டி இன்ஸ்டாகிராமில் போஸ்ட் போட்டிருந்தார் மீனா. வானவில் நிலைத்து நிற்காது என்று தெரிந்து தான் வித்யாசாகரை அதனுடன் ஒப்பிட்டீர்களா மீனா என்கிறார்கள் சமூக வலைதளவாசிகள்.
கணவர் இறந்த வேகத்தில் திருமண நாள் வருவது வேதனையான விஷயம் தான். ஆனால் தைரியமாக இருப்பதை தவிர வேறு வழியில்லை. நீங்கள் தைரியமாக இருந்தால் தான் மகள் நைனிகா தைரியமாக இருப்பார்.
மகளை நினைத்து ஆறுதல் அடையுங்கள் மீனா என ரசிகர்கள் தெரிவித்துள்ளனர்.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
