கோப்ரா’ இசை வெளியீட்டு விழாவில் விக்ரம் பேசியது இணையத்தில் வைரலாகி வருகிறது.
விக்ரம் நடிப்பில் கடைசியாக ‘மகான்’ படம் வெளியானது. இந்தப்படத்திற்கு முன்பாக விக்ரம் நடிப்பில் அஜய் ஞானமுத்து இயக்கத்தில் கடந்த 2019ஆம் ஆண்டு துவங்கிய படம் கோப்ரா.
இதன் படப்பிடிப்பு கொரோனா வைரஸ் முதல், இரண்டாவது அலை காரணமாக தாமதம் ஆனது. ஊரடங்கில் தளர்வுகள் அறிவிக்கப்பட்ட காலங்களில் எல்லாம் இதன் படப்பிடிப்பு நடைபெற்று வந்தது.
கடந்த சில மாதங்களுக்கு முன்பாக கோப்ரா படப்பிடிப்பு முழுமையாக நிறைவடைந்ததாக படக்குழுவினர் தெரிவித்தனர். இந்நிலையில் இந்தப்படத்தின் இசை வெளியீட்டு விழா நேற்றைய தினம் சென்னையில் நடைபெற்றது. கடந்த சில தினங்களுக்கு முன்பாக விக்ரம் உடல்நலக்குறைவு காரணமாக மருத்துவமனையில் அனுமதிக்கப்பட்டார்.
இதனால் ‘கோப்ரா’ இசை வெளியீட்டு விழாவில் அவர் கலந்து கொள்வாரா என ரசிகர்கள் ஆர்வமுடன் எதிர்பார்த்தனர். இவ்விழாவில் மாஸ் என்ட்ரி கொடுத்த விக்ரம் தனது உடல்நிலை குறித்து பரவிய வதந்திகளுக்கு விளக்கம் கொடுத்தார். அதில், சும்மா ஹர்ட்ல கை வச்சாக் குட ஹர்ட் அட்டாக்குன்னு சொல்லிருவாங்க. எனக்கு ஒன்றும் இல்லை. நான் நன்றாக உள்ளேன் .
சிலர் கச்சா முச்சா என ஏதேதோ எழுதி இருந்தார்கள். நன்றாக இருந்தது. சிலர் thumb nail ல யாரோ ஒரு நோயாளியின் முகத்தில் எனது முகத்தை வைத்து நல்ல போட்டோஷாப் பண்ணி இருந்தார்கள். அதுவும் நன்றாக இருந்தது. எவ்வளவோ பார்த்துட்டோம். இதெல்லாம் ஒன்றும் இல்லை. 20 வயது இருக்கும்போது எனக்கு விபத்து ஏற்பட்டது உங்கள் எல்லோருக்கும் தெரியும். அப்போது எனது காலை இழக்க வேண்டிய தருணம் வந்தது. ஆனால் அதில் இருந்தும் நான் மீண்டு வந்தேன்.
சிறிய அசௌகரியத்தால் மருத்துவமனை செல்ல நேர்ந்தது. ஆனால் அதனை இந்த அளவுக்கு கொண்டுசென்றுவிட்டார்கள். இதனால் என்னை நேசிக்கும் சிலர் சங்கடங்களை சந்தித்தனர். அவர்கள் அனைவருக்காகவும், நான் நன்றாக இருக்கிறேன் என சொல்லவே இந்த மேடைக்கு வந்துள்ளேன். இவ்வாறு தெரிவித்துள்ளார் விக்ரம். அவரின் இந்த பேச்சு ரசிகர்கள் மத்தியில் வரவேற்பினை பெற்று வருகிறது.-News & image Credit: tamil.samayam * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
