நடிகர் நரேஷ் பாபு ஒரு ஜெண்டில்மேன் என புகழ்ந்து தள்ளியுள்ளார் நடிகை பவித்ரா லோகேஷ்.
தென்னிந்திய சினிமாவில் குணச்சித்திர நடிகையாக வலம் வருபவர் நடிகை பவித்ரா லோகேஷ். 45 வயதான பவித்ரா லோகேஷ் தமிழ், தெலுங்கு, கன்னடம் மற்றும் மலையாளம் மொழிகளிலும் 150க்கும் மேற்பட்ட படங்களில் நடித்துள்ளார்.
ரகசிய திருமணம்
இவரது கணவர் சுஜேந்திர பிரசாத் கடந்த 11 ஆண்டுகளாக இருவரும் கணவன் மனைவியாக வாழ்ந்து வந்த நிலையில் 6 ஆண்டுகளாக பிரிந்து வாழ்ந்து வருகின்றனர். இந்நிலையில் நடிகை பவித்ரா லோகேஷும் பிரபல தெலுங்கு நடிகரும் மகேஷ் பாபுவின் அண்ணனுமான நரேஷ் பாபுவும் ரகசிய திருமணம் செய்து கொண்டதாக தகவல் பரவி வருகிறது.
3 திருமணங்கள்
60 வயதான நடிகர் நரேஷ் பாபு ஏற்கனவே 3 திருமணங்கள் செய்தவர். இருவருமே தங்களின் துணைகளை சட்டப்படி விவாகரத்து செய்யாமல் திருமணம் செய்து கொண்டதாக கூறப்படுகிறது. இதனால் சிக்கல் ஏற்படும் என்பதால் இருவரும் தங்களின் திருமணத்தை ரகசியமாக வைத்திருப்பதாகவும் கூறப்படுகிறது.
செருப்பால் அடித்து
இந்நிலையில் சமீபத்தில் இருவரும் ஹோட்டலில் ஒரே அறையில் தங்கியிருப்பதை அறிந்த நரேஷ் பாபுவின் மூன்றாவது மனைவியான ரம்யா ரகுபதி, ஹோட்டல் அறைக்கு சென்று அவர்களை செருப்பால் அடித்தார். இந்நிலையில் நடிகை பவித்ரா லோகேஷ் தனது வீட்டில் இருந்தபடியே ஒரு வீடியோ வெளியிட்டுள்ளார்.
ராணி எலிசபெத்தா?
அந்த வீடியோவில், ‘ரம்யா யார் என்றே தனக்கு தெரியாது என கூறியுள்ள அவர், ரம்யா என்ன ராணி எலிசபெத்தா? நடிகையா? அரசியல்வாதியா? அவரை பற்றி பேச என்னிடம் எதுவும் இல்லை என காட்டமாக கூறியுள்ளார். மேலும் நரேஷ் ஒரு ஜென்டில்மேன் என கூறியுள்ள பவித்ரா லோகேஷ், தான் ஒரு நடிகை என்பதால் தன்னால் ரோட்டில் நடந்து செல்ல முடியாது என்றும் தனக்கு கார் கண்டிப்பாக வேண்டும் என்றும் கூறியுள்ளார்.
யாரும் பரிசு கொடுக்கவில்லை
மேலும் தானும் நரேஷும் நண்பர்கள் தான் என்று கூறியுள்ள பவித்ரை லோகேஷ் மற்றவர்கள் கூறும் கருத்துக்கு பதில் சொல்ல முடியாது என்றும் தெரிவித்துள்ளார். அதோடு தான் அணிந்திருக்கும் நகைகள் அனைத்தும் தான் பெங்களூரில் வாங்கியது, தனக்கு யாரும் பரிசாக கொடுக்கவில்லை என்றும் கூறியுள்ளார்.
வைர நெக்லஸ்
பவித்ரா அணிந்திருந்த வைர நெக்லஸ் தனது மாமியாருடையது என நரேஷ் பாபுவின் மூன்றாவது மனைவியான ரம்யா ரகுபதி குற்றம்சாட்டிய நிலையில் அவருக்கு பதிலளிக்கும் வகையில் இப்படி ஒரு வீடியோவை வெளியிட்டுள்ளார் பவித்ரா லோகேஷ். பவித்ரா லோகேஷின் இந்த வீடியோ தற்போது வைரலாகி வருகிறது.-News & image Credit: maalaimalar * இந்த பதிவு உங்களுக்கு பிடித்திருந்தால் உங்கள் நண்பர்களுடன் பகிர்ந்து கொள்ளுங்கள். நன்றி!
